Eiður Smári Guðjohnsen hefur verið ráðinn þjálfari karlaliðs FH í knattspyrnu og skrifar hann undir tveggja ára samning við félagið. Eiður tekur við liðinu af Ólafi Jóhannessyni sem var á dögunum sagt upp störfum.

Knattspyrnudeild FH hefur komist að samkomulagi við Eið Smára Guðjohnsen um að taka við sem þjálfari meistaraflokks karla hjá Fimleikafélaginu út tímabilið 2024. ,,Miklar væntingar eru bundnar við Eið sem aðalþjálfara FH," segir í tilkynningu frá FH.

Eiður Smári er að taka við FH í annað sinn, stuttu eftir ráðningu Eiðs seint 2020 gerðist Eiður aðstoðarþjálfari íslenska karlalandsliðsins. Eiður ásamt Loga Ólafssyni tóku við FH um miðjan júlí 2020 og undir þeirra stjórn hafnaði liðið í 2. sæti það árið.

,,Staða liðsins í Bestu Deildinni er undir væntingum en með ráðningu Eiðs og þeim leikmannahóp sem er til staðar eru spennandi tímar framundan. Það er von Knattspyrnudeildar að stuðningsmenn félagsins styðji vel við liðið í þeim leikjum sem framundan eru," segir í tilkynningu frá FH.