Golf

„Ég á nóg inni á flötunum“

Guðrún Brá Björgvinsdóttir var fimm höggum frá því að komast á Evrópumótaröðina á næsta ári.

Guðrún Brá slær af teig á Íslandsmótinu í sumar. Mynd/GSÍmyndir.net/Sigurður Elvar

Atvinnukylfingurinn og Íslandsmeistarinn í höggleik, Guðrún Brá Björgvinsdóttir úr Golfklúbbnum Keili, segir að það hafi verið viss vonbrigði að vera annað árið í röð aðeins nokkrum höggum frá því að komast á Evrópumótaröðina í golfi. 

„Auðvitað er maður fyrst og fremst svekktur, þetta eru sex högg sem munar að ég endi meðal 25 efstu, það er hægt að horfa á þetta sem eitt högg á dag. Það er auðvelt þegar ég lít til baka að finna þessi 5-6 högg sem þurfti til,“ sagði Guðrún aðspurð hvernig tilfinningarnar væru eftir mótið er hún var á heimleið til Íslands.

Í gær lauk fyrsta tímabili Guðrúnar sem atvinnukylfings þar sem hún hefur leikið á LETA-mótaröðinni, næststerkustu mótaröð Evrópu, og lenti hún í 69. sæti á stigalista mótaraðarinnar. Besta árangrinum náði hún í lokamóti tímabilsins í Barcelona þar sem hún var efst fyrir lokahringinn en fataðist flugið á lokahringnum og lenti í 17. sæti.

Þá gerði hún atlögu að því að komast inn á Evrópumótaröðina og verða um leið fjórði íslenski kvenkylfingurinn sem kemst inn á þessa sterkustu mótaröð Evrópu. Hún lék heilt yfir stöðugt golf, fékk níu skolla, einn skramba og átta fugla á hringjunum en það dugði ekki til, Guðrún var fimm höggum frá því að enda meðal 25 efstu sem fengu þátttökurétt á Evrópumótaröðinni á næsta ári.

„Heilt yfir var spilamennskan góð, ég var að slá betur en ég hef gert til þessa en pútterinn brást mér þessa vikuna. Ég tek það út úr þessu móti að hafa slegið vel en ég veit að ég á nóg inni á flötunum.“

Guðrún hefur átt viðburðaríkt ár en hún var hluti af Evrópuúrvali áhugakylfinga í mars ásamt því að verða Íslandsmeistari í höggleik í fyrsta sinn í sumar.

„Þessir tveir viðburðir standa upp úr, Íslandsmeistaratitillinn var ansi kærkominn og mér fannst frábært að spila fyrir hönd Evrópu í Doha. Markmið næsta árs er svo bara að gera betur á mótunum á LETA-mótaröðinni,“ sagði Guðrún Brá brött að lokum.

Athugasemdir

Auglýsing
Auglýsing

Tengdar fréttir

Golf

Valdís og Ólafía í baráttunni um sæti á ÓL í Tókýó

Golf

Valdís átti besta hring mótsins

Golf

Valdís efst þegar mótið er hálfnað

Auglýsing

Nýjast

Leystu verkefnið fagmannlega í Andorra

Ísland hóf undankeppnina með sigri

Aron og Alfreð byrja báðir

Góð frammistaða en svekkjandi úrslit

Börsungar tilbúnir að selja Coutinho

Ágætis byrjun hjá Arnari og Eiði

Auglýsing