Heilbrigðisráðherra tilkynnti í gær að hefja mætti æfingar og keppni á nýjan leik hér á landi á morgun, fimmtudaginn 15. apríl.  Mótanefnd knattspyrnusambands Íslands, KSÍ, hefur ákveðið að upphaf knattspyrnumóta sumarsins verði með eftirfarandi hætti:

Mjólkurbikar karla

  • Keppni Mjólkurbikars karla hefst 23. apríl og verður fyrsta umferð keppninnar leikin dagana 23. - 25. apríl.
  • Önnur umferð verður leikin 30. apríl - 3. maí. Aðalkeppnin hefst svo í júní.
  • Föstudaginn 16. apríl verða nýjar dagsetningar leikja Mjólkurbikarsins kynntar.

Pepsi Max deild karla

  • Fyrsta umferð Pepsi Max deildar karla verður leikin dagana 30. apríl - 2. maí.
  • Föstudaginn 16. apríl verður ný niðurröðun leikja Pepsi Max deildar karla kynnt.
  • Endurröðun mótsins nær í meginatriðum til fyrstu fimm umferðanna.

Önnur mót meistaraflokka

  • Gert er ráð fyrr að önnur mót sumarsins í meistaraflokki verði leikin samkvæmt núverandi leikjadagskrá.
  • Hér er átt við Pepsi Max deild kvenna, Mjólkurbikar kvenna, Lengjudeild karla og kvenna, 2. deild karla og kvenna, 3. deild karla og 4. deild karla.
  • Ákvarðanir um framhald Lengjubikarsins og Meistarakeppni KSÍ verður rædd á fundi stjórnar KSÍ fimmtudaginn 15. apríl.