Selfoss vann dramatískan sigur á ÍBV, 30-28, í Hleðsluhöllinni í kvöld. Selfyssingar hafa unnið báða leiki sína eftir að keppni í Olís-deildinni hófst á ný eftir áramót.

Þegar ellefu mínútur voru eftir var Selfoss þremur mörkum undir, 24-27. Heimamenn tryggðu sér sigurinn með því að vinna lokakaflann 6-1. Þeir skoruðu þrjú síðustu mörk leiksins. Selfoss er í 3. sæti deildarinnar með 22 stig.

Eyjamenn voru lengst af með yfirhöndina en fóru illa að ráði sínu á lokasprettinum. Þeir eru í 6. sæti deildarinnar með 13 stig.

Elvar Örn Jónsson skoraði níu mörk fyrir Selfoss og Haukur Þrastarson fimm. Markverðir liðsins voru aðeins tvö skot samtals í leiknum en það kom ekki að sök.

Dagur Arnarsson og Kári Kristján Kristjánsson skoruðu sex mörk hvor fyrir ÍBV.