Steph Curry, bakvörður Golden State Warriors í NBA-deildinni í körfubolta, bætti metið yfir flestar þriggja stiga körfur í sögu NBA-deildarinnar í nótt þegar Curry skaust upp fyrir Ray Allen í efsta sætið.

Íslandsvininum Curry vantaði aðeins tvær þriggja stiga körfur til að bæta met Allen í nótt og var hann fljótur að afgreiða það.

Önnur þriggja stiga karfa Curry i leiknum kom á fyrstu fimm mínútum leiksins.

Curry var heiðraður í Madison Square Garden þegar metið var í höfn og var stigahæstur í sigri Warriors á Knicks í nótt.

Það tók Curry aðeins 789 leiki að bæta met Allen sem lék sjálfur á sínum tíma 1300 leiki.

Næstur á listanum á eftir þeim Curry og Allen er Reggie Miller með 1389 leiki en James Harden nálgast Miller á listanum.

Curry og Allen voru báðir staddir í Garðinum í nótt þegar Curry bætti metið.