Sport

CrossFit Games hefjast um helgina

CrossFit Games sem er hápunktur hvers árs í CrossFit íþróttinni eru handan við hornið. Keppnistímabilið byrjar á CrossFit Open sem er opið öllum sem vilja taka þátt og í kjölfarið keppa þeir keppendur sem hafna í efsta sætunum á CrossFit Open á Regionals.

Katrín Tanja Davíðsdóttir tekur þátta í CrossFit Games. Fréttablaðið/Eyþór

CrossFit Games sem er hápunktur hvers árs í CrossFit íþróttinni eru handan við hornið. Keppnistímabilið byrjar á CrossFit Open sem er opið öllum sem vilja taka þátt og í kjölfarið keppa þeir keppendur sem hafna í efsta sætunum á CrossFit Open á Regionals. Þessi svæðamót eru níu talsins, en Evrópukeppnin fer fram um næstu helgi í Berlín í Þýskalandi.

Alveg frá 2009 hefur Ísland átt keppendur í lokakeppni á CrossFit Games og í ár verður vonandi engin undantekning á því.  Ísland á tvo tvöfalda heimsmeistara á CrossFit Games, það eru þær Anníe Mist Þórisdóttir og Katrín Tanja Davíðsdóttir. Þá hafa Ragnheiður Sara Sigmundsdóttir og Björgvin Karl Guðmundsson náð sæti á palli.

Íslensku keppendurnir eru ekki allir skráðir í Evrópuriðilinn svo við munum ekki sjá strax hversu margir tryggja sér þátttökurétt á heimsleikunum sjálfum, en þeir Íslendingar sem eru gjaldgengir á Regionals í ár eru eftirtaldir:

Anníe Mist Þórisdóttir
Katrín Tanja Davíðsdóttir (keppir á East Regional)
Ragnheiður Sara Sigmundsdóttir
Björk Óðinsdóttir
Sólveig Sigurðardóttir
Þuríður Erla Helgadóttir
Oddrún Eik Gylfadóttir (Meridian Regional)

Björgvin Karl Guðmundsson
Frederik Aegidius 
Árni Björn Kristjánsson
Sigurður Þrastarson

Í ár er aðeins eitt lið frá Íslandi í undankeppninni og það er lið CrossFit XY.

Á CrossFit Games er líka keppt í aldursflokkum.  Þar hefur Ísland átt sigurvegara í Masters flokki, hann Hilmar Harðarson. Þá hefur Ísland einnig átt keppanda í unglingaflokki. Þeir sem keppa í aldursflokkum þurfa ekki að keppa á svæðamótum, en þurfa þess í stað að taka þátt í svokölluðum “online qualifier” sem samanstendur af nokkrum æfingum líkt og er í Open undankeppninni.  

Íslendingar eiga í ár þrjá keppendur í unglingaflokki sem hafa tryggt sér þátttökurétt á aðalmótinu. Það eru eftirtaldir:

Birta Líf Þórarinsdóttir (stelpur 14-15 ára)
Brynjar Ari Magnússon (strákar 14-15 ára)
Katla Björk Ketilsdóttir (stelpur 16-17 ára)

CrossFit Games fara fram 1-5. ágúst í Madison, Wisconsin í Bandaríkjunum.

Athugasemdir

Auglýsing
Auglýsing

Tengdar fréttir

Fótbolti

Auka fjárframlög til kvennaboltans um helming

Enski boltinn

Segja að Raiola sé búinn að semja við Barcelona

Handbolti

Axel velur æfingahóp

Auglýsing

Nýjast

Bolt er með tilboð frá liði í Evrópu

Guardiola opinn fyrir því að þjálfa á Ítalíu

Ríkjandi meistarar fara í Sandgerði

Luke Shaw að fá nýjan samning

„Vildum sýna að leikurinn gegn Sviss var frávik“​

Sagan ekki glæsileg gegn Sviss

Auglýsing