Miðjumaðurinn Clara Sigurðardóttir er gengin til liðs við kvennalið Breiðabliks og hefur hún skrifað undir tveggja ára samning við félagið.

Clara, sem er 19 ára gömul, spilaði sumarið 2017, þegar hún var aðeins 15 ára, 17 leiki í efstu og hefur frá því verið í stóru hlutverki með uppeldisliði sínu ÍBV.

Hún spilaði einnig eitt tímabil á Selfossi og á alls að baki 83 leiki og 9 mörk í efstu deild.

Clara hefur einnig verið fastaleikmaður í yngri landsliðum síðustu ár og hefur þar spilað 35 landsleiki.