Íslenski boltinn

Breiðablik á toppinn - FH komið á blað

Fjórir leikir fóru fram í 3. umferð Pepsi-deildar kvenna í kvöld.

Úr leik KR og FH í kvöld. Fréttablaðið/Ernir

Breiðablik endurheimti toppsæti Pepsi-deildar kvenna með 1-3 sigri á nýliðum HK/Víkings í Kórnum í kvöld.

Berglind Björg Þorvaldsdóttir, Fjolla Shala og Agla María Albertsdóttir (víti) skoruðu mörk Blika sem hafa unnið alla þrjá leiki sína.

Kristina Maureen Maksuti skoraði fyrir heimakonur. HK/Víkingur er með þrjú stig í 8. sæti deildarinnar.

Valskonur rifu sig upp eftir tapið fyrir Stjörnukonum og unnu 0-3 sigur á Grindvíkingum suður með sjó. 

Málfríður Erna Sigurðardóttir, Ásdís Karen Halldórsdóttir og Elín Metta Jensen (víti) gerðu mörk Vals sem er í 3. sæti með sex stig. Grindavík er án stiga á botni deildarinnar.

Þórdís Hrönn Sigfúsdóttir skoraði eina mark leiksins þegar Stjarnan og Selfoss mættust á Samsung-vellinum í Garðabænum. Þetta var annar sigur Stjörnukvenna í röð. Þær eru með sex stig í 4. sæti. Selfoss bíður enn eftir sínu fyrsta stigi.

FH náði í sín fyrstu stig þegar liðið vann 1-2 útisigur á KR. Sigurmarkið var sjálfsmark Hugrúnar Lilju Ólafsdóttur. Bæði lið eru með þrjú stig.

Upplýsingar um úrslit og markaskorara eru fengnar frá úrslit.net.

Athugasemdir

Auglýsing
Auglýsing

Tengdar fréttir

Íslenski boltinn

Birkir Már jafnar leikjafjölda Eiðs Smára í dag

Íslenski boltinn

Þessir byrja gegn Eistlandi

Íslenski boltinn

Ár frá síðasta sigrinum

Auglýsing

Nýjast

Íslandi dugar jafntefli í dag

„Japan er á hár­réttri leið undir stjórn Dags“

Torsóttur sigur skilaði Íslandi úrslitaleik í dag

Sjötti sigur Vals í röð

Spánn keyrði yfir Makedóníu í seinni hálfleik

Næsti bar­dagi Gunnars stað­festur: Fer fram í London

Auglýsing