Usain Bolt hefur reynt fyrir sér í fótbolta eftir að hlaupaskórnir fóru á hilluna. Hann fékk á dögunum hvatningu úr óvæntri átt; frá Vincente Del Bosque sem gerði Spán að heims- og Evrópumeisturum.

„Hann gæti orðið góður fótboltamaður,“ sagði Del Bosque og bætti við að bakvarðastaðan myndi henta Jamaíkumanninum best.

„Hann gæti passað vel inn í lið sem beitir skyndisóknum og sækir hratt í opin svæði. Hann gæti orðið góður bakvörður sem dekkar stórt svæði. Hann myndi örugglega njóta sín vel við hliðarlínuna, nálægt áhorfendum.“

Bolt fékk að æfa með Borussia Dortmund og er núna á mála hjá Central Coast Mariners í Ástralíu.

„Ég sé mjög jákvæðan leikmann. Hann er viðkunnanlegur og alltaf brosandi. Það er eins og hann sé að upplifa æskudrauminn,“ sagði Del Bosque um fótfráasta mann jarðarinnar.