Handbolti

Börsungar nánast öruggir með toppsætið

Sænsku meistararnir sáu aldrei til sólar gegn Barcelona í Meistaradeild Evrópu í handbolta í kvöld. Sautján marka tap varð niðurstaðan.

Aleix Gomez skoraði sex mörk fyrir Barcelona gegn Kristianstad. Fréttablaðið/Getty

Barcelona er nánast öruggt með toppsætið í A-riðli Meistaradeildar Evrópu í handbolta eftir risasigur á Kristianstad, 43-26, á heimavelli í kvöld. 

Ef Barcelona vinnur riðilinn sleppur liðið að leika í 16-liða úrslitum keppninnar og fer beint í 8-liða úrslitin.

Eins og lokatölurnar gefa til kynna voru yfirburðir Börsunga í leiknum í kvöld miklir. Þeir voru níu mörkum yfir í hálfleik, 21-12.

Aron Pálmarsson var ekki á meðal markaskorara hjá Barcelona sem hefur unnið tíu af tólf leikjum sínum í riðlakeppninni. Kamil Syprzak og Aleix Gomez voru markahæstir Börsunga með sex mörk hvor.

Arnar Freyr Arnarsson skoraði fjögur mörk fyrir Kristianstad. Ólafur Guðmundsson og Teitur Örn Einarsson skoruðu tvö mörk hvor. Kristianstad er í áttunda og neðsta sæti riðilsins en á enn möguleika á að komast í 16-liða úrslit.

Athugasemdir

Auglýsing
Auglýsing

Tengdar fréttir

Handbolti

Sjáum í þessum leikjum hvar liðið stendur

Handbolti

Mæta Argentínu en ekki Angóla á æfingarmótinu

Handbolti

Ragnheiður inn í landsliðið fyrir Mariam

Auglýsing

Nýjast

Vildu gefa Söru Björk frí til að safna kröftum

Lokapróf koma í veg fyrir að Agla María fari með til Suður-Kóreu

Fimm breytingar á hópnum sem fer til Suður-Kóreu

Stórleikur hjá Söru Björk gegn Lyon í dag

Heimir og Aron Einar sameinaðir á ný í Katar

Danielle fór á kostum í sigri Stjörnunnar

Auglýsing