Búið er að tilkynna sextán manna leikmannahópinn fyrir leik Íslands og Portúgal í kvöld en reynsluboltarnir Björgvin Páll Gústavsson og Kári Kristján Kristjánsson eru meðal þeirra sem fylgjast með úr stúkunni.

Ísland tók tuttugu leikmenn til Egyptalands og sitja því fjórir leikmenn hjá í hverjum leik. Fyrsti leikur Íslands á mótinu er gegn Portúgal í kvöld sem verður þriðja viðureign liðanna á rúmri viku.

Björgvin Páll, leikjahæsti leikmaður liðsins með 231 leiki, hlýtur ekki náð fyrir augum þjálfarateymisins í þessum leik en Ágúst Elí Björgvinsson og Viktor Gísli Hallgrímsson sjá um markið í kvöld.

Kári Kristján, Kristján Örn Kristjánsson, og Magnús Óli Magnússon munu taka sér sæti í stúkunni með Björgvini en þeir gætu komið aftur inn í hópinn á laugardaginn fyrir leikinn gegn Alsír.

Hópurinn sem leikur gegn Portúgal í kvöld er eftirfarandi:
Ágúst Elí Björgvinsson, KIF Kolding 33/1
Viktor Gísli Hallgrímsson, GOG 19/1
Bjarki Már Elísson, Lemgo 73/180
Oddur Gretarsson, Balingen-Weilstetten 20/31
Ólafur Andrés Guðmundsson, IFK Kristianstad 125/232
Elvar Örn Jónsson, Skjern 37/103
Gísli Þorgeir Kristjánsson, SC Magdeburg 26/33
Janus Daði Smárason, Göppingen 48/69
Alexander Petersson, Rhein-Neckar Löwen 182/719
Ómar Ingi Magnússon, SC Magdeburg 49/133
Viggó Kristjánsson, Stuttgart 13/26
Arnór Þór Gunnarsson, Bergischer HCC 116/338
Sigvaldi Björn Guðjónsson, Vive Kielce 30/55
Arnar Freyr Arnarsson, MT Melsungen 54/69
Elliði Snær Viðarsson, Gummersbach 7/7
Ýmir Örn Gíslason, Rhein-Neckar Löwen 44/20