Björgvin Páll Gústavsson verður fyrirliði Íslands gegn Frakklandi í dag en Arnór Þór Gunnarsson, fyrirliði Íslands í síðustu leikjum, verður utan hóps í dag.

Ísland mætir Frakklandi í næst síaðsta leik Íslands í milliriðlinum á HM í handbolta í dag.

Eyjamaðurinn Kári Kristján Kristjánsson kemur inn í leikmannahópinn í fyrsta sinn á mótinu í stað Arnórs en Janus Daði Smárason og Alexander Petersson eru farnir heim á leið og því aðeins tveir utan hóps í dag.

Það eru tvær breytingar á leikmannahópnum því Viktor Gísli Hallgrímsson inn fyrir Ágúst Elí Björgvinsson í markvarðarstöðuna.

Þetta kemur fram í tilkynningu frá HSÍ um leikmannahópinn í dag.

Þetta er í fyrsta sinn sem Björgvin Páll ber fyrirliðabandið á landsliðsferlinum sem spannar átján ár.

Hópurinn sem leikur gegn Frakklandi er eftirfarandi:

Björgvin Páll Gústavsson, Haukar 234/16

Viktor Gísli Hallgrímsson, GOG 20/1

Bjarki Már Elísson, Lemgo 77/204

Oddur Gretarsson, Balingen-Weilstetten 24/35

Ólafur Andrés Guðmundsson, IFK Kristianstad 129/250

Magnús Óli Magnússon, Val 10/6

Elvar Örn Jónsson, Skjern 41/110

Gísli Þorgeir Kristjánsson, SC Magdeburg 30/45

Kristján Örn Kristjánsson, PAUC-Aix, 10/17

Ómar Ingi Magnússon, SC Magdeburg 51/135

Viggó Kristjánsson, Stuttgart 17/37

Sigvaldi Björn Guðjónsson, Vive Kielce 34/66

Arnar Freyr Arnarsson, MT Melsungen 87/72

Elliði Snær Viðarsson, Gummersbach 11/10

Kári Kristján Kristjánsson, ÍBV 146/178

Ýmir Örn Gíslason, Rhein-Neckar Löwen 48/22

Þeir leikmenn sem hvíla eru:

Arnór Þór Gunnarsson, Bergischer HCC 120/341

Ágúst Elí Björgvinsson, KIF Kolding 37/1