Fimleikastúlkurnar Guðrún Edda, Embla, Ísabella og Ragnheiður Jenný úr Fimleikafélaginu Björk taka þátt í boðsmóti Simone Biles síðar í þessum mánuði.

Um er að ræða alþjóðlega fimleikamótinu Simone Biles Invitational sem fer fram í World Champion Center í Houston, Texas, þar sem hún stundar æfingar sínar.

Simone Biles er ein fremsta íþróttakona heims og hefur verið ósigrandi í fimleikum síðan hún kom fyrst fram á sjónarsviðið árið 2013.

Biles er fimmfaldur heimsmeistari, Ólympíumeistari 2016 og allt bendir til að hún muni verja titil sinn á Ólympíuleikunum í Tokyo í sumar sem hún hefur gefið til kynna að verði hennar síðustu.

Bjarkarstúlkurnar æfa allar með meistarahópi Fimleikafélagsins Björk og eru jafnframt allar í úrvalshóp Fimleikasambands Íslands. Þær Guðrún Edda og Embla hafa keppt í unglingaflokki fyrir Íslands hönd síðastliðin ár en eru nú komnar í fullorðinsflokk.

Þær Ragnheiður Jenný og Ísabella eru ungar og upprennandi, nýkomnar í unglingaflokk og voru valdar í úrvalshóp FSÍ á þessu ári.