Enski boltinn

Birkir verður klár í slaginn um komandi helgi

Birkir Bjarnason landsliðsmaður í knattspyrnu er farinn að æfa á nýjan leik eftir að hafa glímt við meiðsli í nára og mjöðm. Hann verður orðinn leikfær þegar Aston Villa mætir Derby County á laugardaginn kemur.

Birkir Bjarnason á æfingu með Aston Villa. Fréttablaðið/Getty

Dean Smith knattspyrnustjóri Aston Villa greindi frá því á blaðamannafundi í dag að Birkir Bjarnason hefði náð sér af þeim meiðslum sem urðu til þess að hann missti af leik liðsins gegn Bolton Wanderers á föstudaginn síðasta. 

Birkir varð fyrir álagseymslum á nára og mjöðm í leik liðsins gegn QPR fyrr í þessum mánuði, en hann hefur hrist þau eymsli af sér og verður til taks þegar Aston Villa heimsækir Derby County á laugardaginn.

Birkir hefur spilað níu af fimmtán deildarleikjum Aston Villa á yfirstandandi leiktíð og skorað í þeim leikjum tvö mörk. Aston Villa situr í 14. sæti ensku B-deildarinnar fyrir 17. umferðina sem leikin verður um komandi helgi. 

Birkir og samherjar hans eru fimm stigum frá sæti sem veitir þátttökurétt í umspili um laust sæti í efstu deild á næstu leiktíð. Derby County er hins vegar í fimmta sæti deildarinnar með 28 stig.

Athugasemdir

Auglýsing
Auglýsing

Tengdar fréttir

Enski boltinn

Buvac formlega hættur störfum hjá Liverpool

Fótbolti

Pressan eykst á Sarri eftir tap gegn Arsenal

Enski boltinn

Winks bjargaði Tottenham gegn Fulham

Auglýsing

Nýjast

Línur munu skýrast í milliriðlunum í kvöld

Martin spilar til úrslita í þýska bikarnum

Arnari sagt upp hjá Lokeren

Mæta Skotlandi á Spáni í dag

Góður skóli fyrir ungt lið Íslands

Patriots og Rams mætast í SuperBowl

Auglýsing