Golf

Birgir byrjar tímabilið í Kenía: Axel í biðstöðu

Áskorendamótaröðin í golfi hefst í Kenýa í næstu viku þar sem Birgir Leifur Hafþórssn verður meðal þátttakenda en Axel Bóasson er á biðlista með að komast inn á mótið.

Birgir reynir að lesa flötina á mótaröðinni í fyrra. Fréttablaðið/Getty

Birgir Leifur Hafþórsson, einn sigursælasti karlkyns kylfingur Íslands sem leikur fyrir hönd GKG, hefur leik á Áskorendamótaröðinni í golfi í næstu viku en mótið fer fram á Muthaiga-vellinum í úthverfi Naírobí, höfuðborg Kenýa.

Heitir mótið Barclays-mótið og er fyrsta mót ársins á þessari næst sterkustu mótaröð Evrópu en verðlaunaféið er hálf milljón evra. Fer mótið fram 22-25. mars.

Birgir Leifur sigraði á einu móti á mótaröðinni í fyrra í Frakklandi. Var það fyrsti sigur hjá íslenskum karlkylfing á næst efsta styrkleikaflokki atvinnukylfinga.

Axel Bóasson, ríkjandi Íslandsmeistari í golfi er fyrsti maður á biðlista inn á mótið en Axel sem leikur fyrir GK er með keppnisrétt á mótaröðinni í fyrsta sinn eftir frábæran árangur á Nordic Tour mótaröðinni í fyrra.

Með því að vinna stigatitilinn á Nordic Tour mótaröðinni vann Axel sér inn keppnisrétt á Áskorendamótaröðinni.

Athugasemdir

Auglýsing
Auglýsing

Tengdar fréttir

Golf

Valdís og Ólafía í baráttunni um sæti á ÓL í Tókýó

Golf

Valdís átti besta hring mótsins

Golf

Valdís efst þegar mótið er hálfnað

Auglýsing

Nýjast

Króatar í basli gegn Aserbaídsjan

Stjarnan og Njarðvík unnu fyrstu leikina

Næstu Ólympíu­leikar þeir síðustu hjá Si­mone Biles

Rooney heldur með Man City í titilbaráttunni

Marcus Rashford á heimleið vegna meiðsla

Gunnar niður um eitt sæti á styrk­leika­lista UFC

Auglýsing