Bergrún Ósk Aðalsteinsdóttir, FH, hafnaði í fjórða sæti í langstökki T37 á Evrópumeistaramóti IPC í Póllandi. Lengsta stökk Bergrúnar Óskar var 4,11 metrar en sameiginlegt Íslandsmet hennar og Matthildar Ylfu Þorsteinsdóttur í greininni er 4,27 metrar.

Patrekur Andrés Axelsson keppti ekki í 400 metra hlaupi í dag vegna meiðsla. Hann er skráður í 100 metra hlaup á lokakeppnisdegi og verður kannað hvort hann geti hlaupið þá grein.

Patrekur Andrés fór einnig út til flokkunar sem er algeng aðgerð í alþjóðlegu mótahaldi á vegum IPC og nú er ljóst að keppnisflokkur T11 verður hans flokkur til frambúðar.

Á morgun er viðburðaríkur dagur þar sem Ingeborg Eide Garðarsdóttr og Bergrún Ósk keppa í kúluvarpi og Bergrún gerir gott betur þar sem hún verður einnig í 200 metra hlaupi. Stefanía Daney Guðmundsdóttir keppir svo í 400 metra hlaupi.