Jamie Carragher, fyrrum leikmaður Liverpool og sérfræðingur CBS og SkySports, bauð stórstjörnunni LeBron James, leikmanni Los Angeles Lakers sem á hlut í enska knattspyrnufélaginu Liverpool, að koma að útsendingu CBS frá úrslitaleik Meistaradeildar Evrópu í París.

„LeBron, ef þú vilt koma til París getur þú komið með okkur hjá CBS teyminu. Ég skal bjóða þér með mér að hliðarlínunni og við stöndum saman og styðjum Liverpool til sigurs í úrslitaleiknum. Þú ert velkominn,“ sagði Carragher þegar hann bauð LeBron á leikinn í beinni útsendingu.

LeBron keypti tvö prósent hlut í Liverpool fyrir ellefu árum síðan og var að fylgjast með leik liðsins gegn Villareal í gærkvöld.

Á sama tíma hefur hlutur LeBrons í félaginu margfaldast í virði.