Brasilíska knatt­spyrnu­goð­sögnin þakkar þeim sem sendu honum stuðnings- og bata­kveðjur á dögunum þegar að greint var frá því að hann hafi verið lagður inn á sjúkra­hús.

Margir óttuðust um á­stand hins 82 ára gamla Pelé en ESPN greindi frá því að miklar bólgur hefðu myndast á líkama hans en Pelé segir að að­eins hafi verið um að ræða mánaðar­lega heim­sókn á spítalann þar sem vel er fylgst með honum.

Í færslu á sam­fé­lags­miðlum þakkar Pelé, Katörum fyrir fal­legan virðingar­vott í sinn garð en mynd af Péle var varpað á byggingu í Doha á dögunum.

,,Það er alltaf gaman að sjá svona já­kvæðar kveðjur í sinn garð."

Pelé er talinn einn besti knatt­spyrnu­maður sögunnar og marka­hæsti lands­liðs­maður Brasilíu frá upp­hafi með 77 mörk í 92 leikjum.