Millivegalengdahlauparinn Bald­vin Þór Magnús­son bætti Íslands­metið í 5.000 metra hlaupi utanhúss þegar hann hljóp á Raleigh Relays-há­skóla­mót­inu í Norður-Karólínu í Banda­ríkj­un­um í gær.

Bald­vin Þór, sem hleypur fyrir Eastern Michigan-háskólann kom í mark á tím­an­um 13:45,66 mín­út­um. Þar með bætti hann met Hlyns Andréssonar, sem er um það bil tveggja ára gamalt um rúmar 12 sekúndur.

Nýverið bætti Bald­vin Þór Íslands­metið í 3.000 metra hlaupi inn­an­húss með því að koma í mark á tímanum 7:53,72 mín­út­um á banda­ríska há­skóla­meist­ara­mót­inu.