Fram undan er landsleikjagluggi hjá íslenska kvennalandsliðinu í körfubolta og hefur Benedikt Rúnar Guðmundsson, þjálfari liðsins, valið þá leikmenn sem leika í landsliðsglugganum. Um er að ræða síðustu umferðina í undankeppninni fyrir EM, EuroBasket Women’s 2021. 

Einn nýliði er í liðinu að þessu sinni en það er Ásta Júlía Grímsdóttir frá Val sem tekur þátt í sínu fyrsta A-landsliðsverkefni. Þrettán leikmenn voru valdar í verkefnið en Anna Ingunn Svansdóttir frá Keflavík er 13. leikmaður liðisins og mun æfa og ferðast með liðinu og vera til taks ef gera þarf breytingar á liðinu í verkefninu. 

Leikirnir fara fram í landsliðsglugga FIBA dagana 31. janúar-7. febrúar og verða leiknir í Slóveníu í Ljubljana. Leikirnir í undankeppninni hjá öllum liðum í nóvember og nú í febrúar áttu að vera heima og að heiman líkt og venjulega en var breytt fyrir alla riðlana níu í keppninni í einangraða leikstaði í nokkrum löndum. 

Íslenska liðið heldur utan 30. janúar til Slóveníu og æfir saman ytra fyrir leikina en leikdagar verða 4. febrúar gegn Grikkjum og 6. febrúar gegn heimastúlkum í Slóveníu.

Eftirtaldir leikmenn skipa hópinn:

Nafn · Félag (landsleikir)

Anna Ingunn Svansdóttir · Keflavík (Nýliði)

Ásta Júlía Grímsdóttir · Valur (Nýliði)

Bríet Sif Hinriksdóttir · Haukar (4) 

Dagbjört Dögg Karlsdóttir · Valur (6)

Emelía Ósk Gunnarsdóttir · Keflavík (9)

Guðbjörg Sverrisdóttir · Valur (22)

Hallveig Jónsdóttir · Valur (21)

Hildur Björg Kjartansdóttir · Valur (32)

Isabella Ósk Sigurðardóttir · Breiðablik (6)

Lovísa Björt Henningsdóttir · Haukar (4)

Sara Rún Hinriksdóttir · Leicester Riders, England (21)

Sigrún Sjöfn Ámundadóttir · Skallagrímur (55)

Þóra Kristín Jónsdóttir · Haukar (19)

Þjálfarar og fararteymi:

Þjálfari: Benedikt Guðmundsson

Aðstoðarþjálfarar: Halldór Karl Þórsson og Danielle Rodriguez

Sjúkraþjálfari: Sædís Magnúsdóttir

Fararstjóri: Hannes S. Jónsson

Sóttvanrarfulltrúi: Guðbjörg Norðfjörð Elíasdóttir

Liðstjórn: Kristinn Geir Pálsson