Arnór Sigurðsson landsliðsmaður í knattspyrnu byrjar keppnistímabilið í rússnesku efstu deildinni í knattspyrnu karla með glæsibrag.

Arnór skoraði annað mark CSKA Moskvu þegar liðið vann Orenburg með tveimur mörkum gegn einu í fyrstu umferð deildarinnar í dag.

Hann tók þá boltann á lofti og þrumaði boltanum upp í samskeytin nær. Hörður Björgvin Magnússon spilaði allan leikinn fyrir CSKA Moskvu en Arnór var tekinn af velli á 87. mínútu leiksins.

Markið glæsilega Arnórs má sjá hér að neðan: