Knattspyrnuframherjinn Árni Vilhjálmsson hefur ákveðið að koma heim og gera tveggja ára samning við knattspyrnudeild Breiðabliks.

Árni, sem er 26 ára gamall, hefur undanfarin ár leikið sem atvinnumaður í Noregi, Svíþjóð, Póllandi og Úkraínu.

Hann lék á árunum 2011 til 2016 121 leik með Blikum og skoraði í þeim leikjum 54 mörk. Árni á að baki einn A landsleiki og 32 leiki með yngri landsliðum Íslands.

„Það er fagnaðarefni fyrir alla Blika að fá Árna Vilhjálmsson heim. Hann er frábær leikmaður og karakter sem mun hjálpa liðinu ómælt bæði innan vallar sem utan." segir Óskar Hrafn Þorvaldsson, þjálfari Breiðabliks, í samtali við heimasíðu félagsins um nýjasta leikmann liðsins.