Arnar Pétursson nýráðinn þjálfari A landsliðs kvenna í handbolta hefur valið sinn fyrsta hóp. Í hópnum eru þeir 17 leikmenn sem mæta Króatíu og Frakklandi í undankeppni EM 2020.

Athygli vekur að Íris Björk Símonardóttir markvörður Vals sem lék síðast landsleik árið 2016 er í leikmannahópnum að þessu sinni.

Íslenska liðið spilar við Króata í Osijk í austurhluta landsins miðvikudaginn 25. september kl. 16:00 að íslenskum tíma. Ísland mætir svo heimsmeisturum Frakklands á Ásvöllum sunnudaginn 29. september kl. 16:00.

Auk fyrrgreindra liða eru Tyrkir í riðli íslenska liðsins í undankeppninni. Tvö efstu liðin í riðlinum komast áfram í lokakeppni mótsins.

Hópurinn er þannig skipaður:

Markmenn:

Elín Jóna Þorsteinsdóttir Vendsysse Handbolt 21 / 0
Íris Björk Símonardóttir Valur 69 / 4

Vinstra horn:

Perla Ruth Albertsdóttir Fram 21 / 24
Sigríður Hauksdóttir HK 12 / 31

Vinstri skytta:

Andrea Jacobsen Kristianstad Handboll 18 / 14
Helena Rut Örvarsdóttir SonderjyskE Damhåndball 35 / 75
Hrafnhildur Hanna Þrastardóttir Bourg De Peage Drome 30 / 60

Leikstjórnendur:

Ester Óskarsdóttir ÍBV 29 / 21
Eva Björk Davíðsdóttir Skuru IK Handbold 33 / 27
Karen Knútsdóttir Fram 98 / 346

Hægri skytta:

Birna Berg Haraldsdóttir Neckarsulmer Sport-Union 54 / 112
Thea Imani Sturludóttir Oppsal Håndball 36 / 48
Rut Jónsdóttir Team Esbjerg 92 / 189

Hægra horn:

Díana Dögg Magnúsdóttir Valur 18 / 16
Þórey Rósa Stefánsdóttir Fram 102 / 298

Línumenn:

Hildigunnur Einarsdóttir HC TSV Bayer 04 Leverkusen 79 / 81
Steinunn Björnsdóttir Fram 31 / 22