KA réð Arnar Grétarsson sem þjálfara liðsins eftir að hafa komist að samkomulagi við Óla Stefán Flóventsson um starfslok hans hjá Akureyrarliðinu.

Arnar Grétarsson er knattspyrnuáhugamönnum kunnugur, segir í tilkynningu frá KA. Hann lék lengi vel sem atvinnumaður, bæði í Grikklandi og Belgíu og hann hefur einnig leikið 72 landsleiki fyrir Íslands hönd. Sem þjálfari hefur hann stýrt Breiðablik hér á landi og KSV Roeselare í Belgíu.

Aðrar breytingar verða ekki á þjálfarateyminu en fyrir í því eru þeir Hallgrímur Jónasson, Pétur Kristjánsson, Branislav Radakovic og Halldór Hermann Jónsson.

Næsti leikur KA er gegn Gróttu á laugardaginn á Greifavelli