Ari Freyr Skúlason lét ungan dreng sem gekk inn á Laugardalsvöllinn með honum fyrir leikinn gegn Belgíu hafa upphitunarjakkann sinn þegar honum varð kalt.

Þegar þjóðsöngvarnir voru leiknir lét Ari lukkudrenginn sem fylgdi honum inn á völlinn hafa upphitunarjakkann sinn enda lukkukrakkarnir einungis í landsliðsbúning í septemberkuldanum.

Drengurinn var ekki lítið sáttur þegar hann hljóp af velli í jakka af hetjunni sinni sem leikur sinn 60. landsleik í kvöld.

Fylgjast má með beinni textalýsingu frá leik Ísland og Belgíu með því að smella hér.