Anton Sveinn McKee jafnaði þriðja besta árangur Íslendings frá upphafi á HM í 50 metra laug í dag þegar hann kom í mark í 6. sæti í úrslitasundinu í Ungverjalandi.

Hann varð fimmti Íslendingurinn til að komast í úrslitasundið í 50. metra laug á eftir Eðvarði Þór Eðvarðssyni, Erni Arnarsyni, Hrafnhildi Lúthersdóttur og Eygló Ósk Gústafsdóttur.

Anton Sveinn var búinn að tvíbæta eigið Íslandsmet í greininni fyrir sund dagsins og var með annan besta tímann í undanrásunuum.

Hafnfirðingurinn var fremstur þegar skammt var eftir af sundinu en missti fimm einstaklinga fram úr sér á lokametrunum.

Frábær árangur þrátt fyrir það og margt jákvætt fyrir Anton sem jafnaði þriðja besta árangur Íslendings frá upphafi á HM í sundi..

Besti árangur Íslendinga á HM í 50 metra laug:

  1. sæti - Örn Arnarson - 100 metra baksund (HM 2001 í Fukuoka)
  2. sæti - Örn Arnarson - 200 metra baksund (HM 2001 í Fukuoka)

6,.sæti - Hrafnhildur Lúthersdóttir - 100 metra bringusund (HM 2015 í Kazan)

  1. sæti - Anton Sveinn McKee - 200 metra bringusund (HM 2022 í Duna)
  2. sæti - Hrafnhildur Lúthersdóttir - 50 metra bringusund (HM 2015 í Kazan)
  3. sæti - Eðvarð Þór Eðvarsson - 200 metra baksund (HM 1986 í Madríd)
  4. sæti - Eðvarð Þór Eðvarsson - 100 metra baksund (HM 1986 í Madríd)
  5. sæti - Hrafnhildur Lúthersdóttir - 50 metra bringusund (HM 2013 í Barcelona)
  6. sæti - Jakob Jóhann Sveinson - 200 metra bringusund (HM 2001 í Fukuoka)