Anna María Baldursdótir skrifaði í dag undir nýjan samning við Stjörnuna til ársins 2021 og verður því áfram í treyju uppeldisfélagsins næstu þrjú ár.

Kemur þetta fram í tilkynningu sem Stjarnan birti á heimasíðusinni í dag þar sem félagið segist vera stolt af því að Anna hafi framlengt.

Anna á að baki 160 leiki í öllum keppnum, þar af 132 í Pepsi-deildinni með uppeldisfélagi sínu eftir að hafa stigið fyrstu skref sín með meistaraflokki árið 2010. Önnu hefur tvisvar tekist að skora fyrir Stjörnuna, þar af eitt í sumar.

Hún hefur leikið níu leiki fyrir Íslands hönd, þann fyrsta árið 2012 og síðast í fyrra ásamt því að leika 29 leiki fyrir yngri landslið Íslands.