Bolvíski framherjinn Andri Rúnar Bjarnason var valinn besti leikmaður ársins hjá Helsingborg. Hann varð markahæsti leikmaður liðsins með 16 mörk á sinni fyrstu leiktíð með liðinu. 

Þá lagði hann auk þess upp sjö mörk fyrir samherja sína, en hann gekk til liðs við Helsingborg frá Grindavík síðasta haust. 

Helsingborg sem hafnaði í efsta sæti sænsku B-deildarinnar hafði nú þegar tryggt sér sæti í efstu deild fyrir lokaumferð deildarinnar sem leikin var í dag.

Andri Rúnar kórónaði frábært keppnistímabil sitt þar með því að skora tvö mörk í 3-1 sigri gegn Varberg í lokaumferðinni.