Handboltamarkvörðurinn Andri Sigmarsson Scheving hefur verið lánaður til Aftureldingar þar sem hann mun leika á næsta timabili. Andri Scheving framlengdi samning sinn við Hauka fyrr á árinu.

Andri Scheving sem er 21 árs hefur þrátt fyrir það verið annar af markvörðum meistaraflokks karla undanfarin fjögur ár ásamt því að vera aðalmarkvörður U-liðs Hauka þar sem hann hefur meðal annars verið kosinn besti markvörður Grill 66 deildarinnar.

Andri sem hefur leikið fyrir öll yngri landslið Íslands hittir hjá Aftureldingu Gunnar Magnússon fyrrverandi þjálfara Hauka.