Tómas Þór Þórðarson og Davíð Þór Viðarsson settust í settið í Íþróttavikunni með Benna Bó sem sýnd er á föstudögum á Hringbraut.

Valskonur féllu úr leik í annarri umferð undankeppni Meistaradeildar Evrópu í vikunni. Liðið tapaði fyrri leiknum hér heima gegn Slavia Prag 0-1 í síðustu viku. Vika leið fram að seinni leiknum í Tékklandi, sem lauk með markalausu jafntefli.

Í millitíðinni mætti Valur hins vegar Aftureldingu í Bestu deildinni. KSÍ hefur verið gagnrýnt fyrir að aðstoða íslensk félög í Evrópu ekki betur er varðar leikjaálag.

„Þetta er orðin svo leiðinleg umræða af því það vita allir að þetta er rétta leiðin,“ segir Tómas.

„Það er algjör þvæla að Valur hafi verið að spila um síðustu helgi. Þær eru 90 mínútum og tveimur mörkum frá því að komast í riðlakeppni Meistaradeildarinnar, þar sem eru líkar fjármunir, og þær eru látnar spila einhvern rokleik á móti Aftureldingu.“

Tómas er þó ekki bjartsýnn á að þetta breytist.

„Knattspyrnusambandið er búið að berja mann svo mikið niður í þessari umræðu að það er sama hvað þú segir, þeir eru aldrei með lausnir, bara afsakanir.“