Íslenski handboltaþjálfarinn Al­freð Gíslason hefur verið að gera frá­bæra hluti með þýska lands­liðið á yfir­standandi heims­meistara­móti. Liðið hafði unnið alla sína sjö leiki fram að leik kvöldsins gegn Noregi sem er ekki lokið og því ó­víst hvort sigur­ganga Al­freðs og Þjóð­verja haldi á­fram hins vegar er liðið öruggt með sæti í 8-liða úr­slitum HM.

Ís­lendingurinn knái hafði áður gengið í gegnum afar erfiða tíma í tengslum við veikindi og frá­fall eigin­konu sinnar, Köru Guð­rúnar Mel­steð sem lést undir lok maí árið 2021 eftir bar­áttu við krabba­mein.

Það var ekki á döfinni hjá Al­freð að finna ástina á nýjan leik en lífið hafði annað í huga. Í við­tali við Bild lýsir Al­freð því hvernig hann fann ástina á nýjan leik, nú í örmum Hrundar Gunn­steins­dóttur.

„Þetta gerðist bara,“ segir hann í sam­tali við Bild og lýsir því hvernig unnusta sín Hrund Gunn­steins­dóttir, fram­kvæmda­stjóri Festu hafi haft sam­band við sig eftir við­tal sem Al­freð veitti Snorra Björns­syni í hlað­varps­þætti þess síðar­nefnda.

„Hún (Hrund) skrifaði mér og bað um við­tal við mig. Ég sagði við hana að næst þegar að ég yrði á Ís­landi gæti ég svarað hennar spurningum,“ segir Al­freð við BILD en að á meðan sam­tali þeirra stóð hafi komið í ljós að faðir Hrundar, Gunn­steinn Skúla­son, fyrrum hand­bolta­kempa hafi verið að­stoðar­þjálfari lands­liðsins í fyrsta lands­liðs­verk­efni Al­freðs sem leik­maður.

„Ég veitti henni við­tal og var á leið til Akur­eyrar að hitta fjöl­skylduna mína degi eftir það. Ég sagðist myndu koma aftur í næstu viku og sagði að við ættum þá að borða saman. Það var svona sem þetta byrjaði, al­gjör­lega ó­vænt.“