Alexander gerði eins árs samning við Melsungen fyrr á þessu ári og vann þar með Guðmundi Guðmundssyni þar til sá síðarnefndi hætti með liðið í september.

Alexander Petersson er 41 árs gamall og óvíst hvað tekur við hjá honum en í viðtali hjá handbolti.is í maí síðastliðnum sagðist hann búast við því að samningurinn sem hann gerði við Melsungen væri sá síðasti sem hann myndi gera við félag í efstu deild í Þýskalandi.

Leikmaðurinn hefur getið sér gott orð í Þýskalandi með liðum á borð við Dusseldorf, Großwallstadt, Flensburg, Fusche Berlin og Rhein-Neckar Löwen. Þá hefur hann verið mikilvægur leikmaður fyrir íslenska landsliðið og var meðal annars hluti af silfurliðinu á Olympíuleikunum 2008 og bronsliðinu frá EM 2010.