Íslenski boltinn

Ásgeir Börkur mun ekki spila í Árbænum

Ásgeir Börkur Ásgeirrson og Fylkir hafa komist að samkomulagi um starfslok leikmannsins hjá félaginu.

Ásgeir Börkur Ásgeirsson í leik með Fylki í sumar. Fréttablaðið/Ernir

Knattspyrnudeild Fylkis og Ásgeir Börkur Ásgeirsson hafa komist að samkomulagi um starfslok hans hjá félaginu. Þetta kemur fram í tilkynningu á facebook-síðu Fylkis. 

Eftir að hafa rætt mikið saman síðustu daga þá komust félagið og Ásgeir Börkur sameiginlega að þeirri niðurstöðu að hann fengi að skoða aðra möguleika. Þess ber að geta að Ásgeir Börkur mun halda áfram að þjálfa yngri flokka hjá Fylki. Hann á að baki 274 leiki fyrir meistaraflokk karla hjá Fylki og hefur undanfarin þrjú ár verið fyrirliði liðsins. 

,,Það er því með miklum trega og söknuði sem knattspyrnudeild Fylkis kveður leikmanninn og óskar félagið Ásgeiri Berki velfarnaðar í þeim nýju áskorunum sem hann kýs að taka sér fyrir hendur," segir Þorvaldur Árnason formaður meistaraflokksráðs Fylkis.

,,Það voru fáir sem hefðu trúað því að ég, gjörsamlega óuppalandi og óferjandi á yngri árum, myndi enda með að spila 274 meistaraflokksleiki fyrir klúbbinn minn og bera fyrirliðabandið stoltur í tæp þrjú ár. En það gerðist. Ef til vill skrifast það meira á þrjósku og ástríðu, en hæfileika. 

Það sem stendur helst upp úr á þessum 26 árum er hversu mörgu góðu fólki ég hef kynnst á leiðinni. Fyrst og fremst fékk ég að spila fótbolta með bestu vinum mínum og það eitt og sér eru forréttindi. 

Auk þess fékk ég að læra af mörgum ólíkum einstaklingum hvort sem það voru uppaldir og ungir Fylgismenn, goðsagnir hjá klúbbnum eða aðkomumenn. Að fá að þroskast og dafna sem einstaklingur hjá mínu uppeldisfélagi er þakkarvert og verð ég að eilífu þakklátur fyrir það," segir Ásgeir Börkur um tíma sinn hjá Fylki og viðskilnaðinn við félagið.

,,En ég á nóg eftir og er spenntur fyrir næstu áskorun! Framhaldið er óljóst, en ég verð einhvers staðar að sparka í fótbolta næstu árin. Það er klárt," segir hann um framhaldið.

Athugasemdir

Auglýsing
Auglýsing

Tengdar fréttir

Íslenski boltinn

Guðmunda Brynja færir sig um set

Íslenski boltinn

„Fanndís var ekki sátt við þessa ákvörðun"

Íslenski boltinn

„Frábært að fá Dagnýju til baka"

Auglýsing

Nýjast

Frábær seinni hálfleikur Swansea

Úlfarnir í 8-liða úrslit í fyrsta sinn í 16 ár

Jón Dagur sá rautt

„Vorum að vinna frábært lið í dag“

Newport tókst að stríða City í enska bikarnum

„Ætluðum okkur stærri hluti í dag“

Auglýsing