Skoðun

Tengsl snjall­síma, kvíða og þung­lyndis

Samkvæmt rannsókn sem birt var í nóvemberhefti Pediatrics journal á árinu 2016 eru tengsl á milli aukinnar tíðni þunglyndis, einkum á meðal unglingsstúlkna, og notkunar samskiptamiðla í snjallsímum.  Þær rannsóknir sem hafa verið framkvæmdar hér á landi staðfesta jafnframt stóraukinn kvíða og þunglyndi meðal unglingsstúlkna og unglingsdrengja.  Af einhverjum ástæðum ýtir notkun samskiptamiðlanna undir óheilbrigða sjálfsmynd ungmenna.  Þessar staðreyndir ættu að fá marga foreldra til að hugsa sinn gang, en notkunin virðist hins vegar vera svo útbreidd að það virðist sem foreldrum sé það um megn að taka á vandamálinu.

Ég fylltist nokkurri von þegar Sveinbjörg Birna Sveinbjörnsdóttir borgarfulltrúi lagði fyrr á þessu ári fram tillögu í borgarstjórn um að snjallsímar yrðu bannaðir í skólum borgarinnar. Ég hugsaði með mér, að það hjálpaði að minnsta kosti börnunum, að vera laus við símana yfir stærsta hluta dagsins. 

Viðbrögð fulltrúa þeirra stjórnmálaflokka sem mynda meirihluta í borgarstjórn ollu mér hins vegar verulegum vonbrigðum. Og meiri segja Sjálfstæðismenn sem hafa í gegnum tíðina stutt allar framfarir í menntamálum létu hræðsluna við að vera gagnrýndir ná yfirhöndinni.

Sveinbjörg Birna virðist því vera eini borgarfulltrúinn sem er tilbúinn að veita þessu nauðsynlega máli brautargengi.  Ég hef þess vegna ákveðið að greiða henni atkvæði mitt í borgarstjórnarkosningunum 26. maí nk. og kjósa X-O fyrir Borgina okkar – Reykjavík.

Guðrún Olga Gústafsdóttir 
sjúkraliði, snyrtifræðingur og ljósmyndari. 

Athugasemdir

Auglýsing
Auglýsing

Tengdar fréttir

Skoðun

Fjölgun hjúkrunar­fræði­nema við HA
Eydís Kr. Sveinbjarnardóttir

Skoðun

Breytt klukka – betri líðan
Erla Björnsdóttir

Skoðun

Að breyta í verki
Sandra Hlíf Ocares

Auglýsing

Nýjast

Tækifærin í ferðaþjónustu
Arnheiður Jóhannsdóttir

Um gildar „ástæður“ gyðingaofsókna og Vísindavef Háskóla Íslands
Lára Magnúsardóttir

Skrifaðu veggjöld
Hanna Katrín Friðriksson

Sannleikurinn um elstu konuna
Þorbjörg Gunnlaugsdóttir

Hnípin þjóð
Kolbrún Bergþórsdóttir

Frá Brexit til Íslands
Þorvaldur Gylfason

Auglýsing