Skoðun

Sýnum öldruðum innflytjendum líka virðingu

Öldungaráð Reykjavíkur efndi á dögunum til ráðstefnu þar sem fjallað var um kjör aldraðra innflytjenda og þeirra sem eru af erlendu bergi brotnir. Þar kom fram að kjör þessa fólks eru oft afar léleg. Það stafar ekki síst af því að aldraðir innflytjendur hafa gjarnan búið hér í of stuttan tíma til að eiga rétt á óskertri tekjutryggingu frá Tryggingastofnun ríkisins. Lagaákvæðin sem kveða á um að fólk fái fyrst fulla tekjutryggingu þegar það hefur búið á Íslandi í 40 ár á aldrinum 16 til 67 ára miðast við allt annað þjóðfélag en nú er um að ræða.

Framundan er mikil fjöldun aldraðra af erlendum uppruna. Margir í þeim hópi hafa komið hingað til að vinna. Við vitum að við þurfum svo sannarlega á þeim að halda á vinnumarkaðnum. Það er nauðsynlegt að samfélagið allt, borg, ríki og samtök aldraðra búi sig undir það að þessu fólki fer fjölgandi. Telur Öldungaráð Reykjavíkurborgar að borgin, Félag eldri borgara í Reykjavík og ríkið  þyrftu að efna til samstarfs við ríkið og önnur sveitarfélög um að móta stefnu og tillögur um það hvernig lífskjör aldraðra af erlendum uppruna verða öruggari en nú er.  Við sendum frá öldungaráði nýverið tillögu til borgarráðs um slíka vinnu.  

1. janúar 2017 voru tæplega 36 þúsund innflytjendur á Íslandi eða 10.6% mannfjöldans. Af þeim býr liðlega helmingur í Reykjavík. Árið 2017 bjuggu í Reykjavík bara 263 aldraðir – 67 ára og eldri - einstaklingar af erlendum uppruna í borginni frá um 104 löndum. Í ljós hefur komið að þetta eldra fólk nýtir sér að takmörkuðu leyti þá þjónustu sem borgin býður okkur eldra fólki upp á t.d. í félagsstarfinu. Þar er tungumálið hindrun en líka menningarmunur og skortur á þekkingu á réttindum.

Viðmót okkar sem tökum á móti nýjum Íslendingum skiptir sköpum. Sýnum þeim virðingu og vináttu og stuðlum þar með að því að þau geti orðið virkir þátttakendur í lífi og starfi þjóðarinnar. Um þessar mundir eru þau tiltölulega fá, bara nokkur hundruð, sem eru öldruð og innflytjendur. Það ætti þess vegna að vera auðvelt fyrir ríkið og sveitarfélögin að taka á réttindamálum þessa fólks þannig að sómi sé að. Meðferðin á þessu fólki núna er hins vegar ekki sómasamleg.

Athugasemdir

Auglýsing
Auglýsing

Tengdar fréttir

Fastir pennar

Þegar aðeins ein leið er fær
Þorvaldur Gylfason

Skoðun

Ríkið getur lækkað vexti
Sigurður Hannesson

Skoðun

Getur D-víta­mín minnkað líkur á krabba­meini?
Jóhanna Eyrún Torfadóttir

Auglýsing

Nýjast

Góð verkfærakista fyrir frumkvöðla
Friðrik Friðriksson

Fyrirtækjum gert skylt að upplýsa um meira en aðeins fjárhaginn
Soffía Sigurgeirsdóttir

Vöxtur rafíþrótta
Björn Berg Gunnarsson

Margþættur ávinningur af sölu bankanna
Páll Harðarson

Haldið að sér höndum
Kristrún Frostadóttir

Lestrarhestar
Kolbrún Bergþórsdóttir

Auglýsing