Þann 1. júlí 2021 varð Kommúnistaflokkur Kína (CPC) 100 ára. Til að öðlast betri skilning á Kína, er nauðsynlegt að öðlast betri skilning á Kommúnistaflokki Kína. Ég vonast til að þessi grein geti hjálpað til við að auka heildstæðan og hlutlausan skilning á Kommúnistaflokki Kína, sem er stærsti ráðandi stjórnmálaflokkur í heimi, með fleiri en 91,9 milljón meðlimi.
Kommúnistaf lokkur Kína er flokkur sem hefur hag allrar þjóðarinnar í huga og nýtur stuðnings þjóðarinnar allrar. Flokkurinn samanstendur af heiðvirðu fólki. Síðan flokkurinn var stofnaður 1. júlí 1921, hefur flokkurinn einsett sér að stuðla að velsæld almennings og hamingju, endurreisn kínversku þjóðarinnar, og hefur alltaf starfað fyrir grundvallarhag þjóðarinnar allrar. Forysta kommúnistaflokks Kína er ekki sjálfsköpuð, heldur hefur verið valin af sögunni og þjóðinni. Kínverska þjóðin var á mörkum útrýmingar vegna stöðugs ágangs erlendra afla allt frá árinu 1840. Til að bjarga þjóðinni reyndu forfeður okkar að máta nánast öll pólitísk kerfi sem þekkt voru á sínum tíma við kínverskar aðstæður, en ekkert af þeim gekk upp. Kommúnistaflokkur Kína reis upp úr þessu umhverfi og fékk það sögulega hlutverk að reisa kínversku þjóðina úr öskustónni.
Á síðustu hundrað árum hefur flokkurinn sameinað og leitt þjóðina í gegnum harða og bitra baráttu við uppbyggingu nýs Kína. Við þessar kringumstæður fannst hin rétta leið til árangurs og framfara, leið sósíalisma með kínverskum einkennum. Ýmsar skoðanakannanir, framkvæmdar af vestrænum rannsóknastofnunum hafa sýnt að kínverska ríkisstjórnin og kommúnistaflokkur Kína njóta stuðnings meira en 90% þjóðarinnar.
Kommúnistaf lokkur Kína er flokkur sem hefur leitt þjóðina við að skapa „kraftaverk“. Undir forystu kommúnistaflokks Kína, hefur Kína orðið vitni að gríðarlegum grundvallarbreytingum, og hefur komið sér inn í tímabil þar sem kínverska þjóðin hefur risið upp og hefur orðið sífellt auðugri og sterkari. Kína er núna eitt fullkomnasta nútíma iðnríki veraldar, og er Kína orðið næststærsta efnahagskerfi veraldar og er stærsta viðskiptaveldið. Landsframleiðsla (GDP) hefur risið úr að vera um 30 milljarðar Bandaríkjadala árið 1950, í það að vera 17,7 trilljónir Bandaríkjadala árið 2020.
Í dag hefur Kína náð að byggja upp velmegandi þjóðfélag á öllum sviðum, fólk með meðaltekjur er fleira en 400 milljónir manna og 850 milljónum manna hefur verið bjargað úr fátækt. Árið 2020 var meðalinnkoma á mann meiri en 10.000 Bandaríkjadalir, og er aukningin 140-föld miðað við meðalinnkomu á fyrstu árunum eftir að Alþýðulýðveldið Kína var stofnað. Lífslíkur Kínverja hafa aukist úr um 35 árum, árið 1949, í um 77,3 ár árið 2019, sem er mun hærra en meðallífslíkur á heimsvísu. Kína hefur einnig náð að byggja upp stærsta menntakerfi, almannatryggingakerfi, heilbrigðisþjónustukerfi, og samfélagslýðræðiskerfi veraldar. Hið kínverska kraftaverk framþróunar hefur hlotið athygli og lof alþjóðasamfélagsins.
Kommúnistaf lokkur Kína er flokkur sem heldur sig við sannleikann, býr yfir þrautseigju og hefur náð að þróast og haldast lifandi og opinn. Flokkurinn hefur sterka sýn og grunngildi, og hefur tekist vel að aðlaga marxíska hugmyndafræði að kínverskum veruleika. Þar sem flokkurinn hefur verið opinn fyrir þróun í hugmyndafræðinni, hefur flokknum tekist að þróa hugmyndafræði, viðmið og stefnur með eigin áherslum. Kommúnistaflokkur Kína hefur ötullega unnið að því að læra og nýta sér það sem hefur gengið vel hjá öðrum þjóðum, og viðhaldið þrótti sínum og eigin siðferðisviðmiðum, og er ætíð í fylkingarbrjósti nýrra strauma nútímans. Flokkurinn leggur mikla áherslu á að auka hæfni sína, hefur strangan aga, þéttofið skipulag og skilvirkt gangverk, auk þess að hafa styrk til að leiða, sameina, skipuleggja og framkvæma. Þar að auki tekst flokkurinn ætíð á við eigin vandamál og mistök, og hefur hugrekki til að endurbæta sjálfan sig og hæfni til að leiðrétta eigin mistök. Kommúnistaflokkur Kína hefur stöðugt unnið að umbótum í eigin starfi og hefur staðið gegn spillingu á öllum stigum.
Kommúnistaf lokkur Kína er flokkur sem talar fyrir friði og framþróun á heimsvísu. Flokkurinn hefur ætíð unnið eftir sjálfstæðri utanríkisstefnu sem byggir á friði, og hefur talað fyrir því að öll ríki séu jafn rétthá, burtséð frá stærð, styrk og ríkidæmi. Þar að auki hefur flokkurinn staðið vörð um frið á jörðu og stöðugleika, alþjóðlegt réttlæti og jafnrétti, og heldur sig við friðsamlega framþróun og hefur aldrei sóst eftir erlendum yfirráðum. Á þeim rúmlega 70 árum sem liðin eru frá stofnun Alþýðulýðveldisins Kína, hefur Kína aldrei hafið stríð eða ásælst svo mikið sem þumlung af erlendu ríki. Kína er eina landið sem hefur það í stjórnarskrá sinni að stuðla að friðsamlegri framþróun. Kína hefur með friðsamlegum samningaviðræðum ákvarðað og markað landamæri við 12 af 14 nágrannalöndum sínum og hefur heitið að leita eftir samkomulagi með samningaviðræðum varðandi yfirstandandi deilur um landsvæði, hafréttindi og hagsmuni.
Á alþjóðavettvangi hefur aðalritari kommúnistaflokks Kína, Xi Jinping, talað fyrir því að byggja upp alþjóðlegt samfélag með sameiginlegri framtíð, og móta nýtt líkan alþjóðasamskipta ásamt því að tala fyrir framtakinu Belti og braut. Þess utan hefur hann einnig tilkynnt að Kína muni ná hápunkti heildarlosunar koltvísýrings fyrir árið 2030, og setja sér markmið um kolefnishlutleysi fyrir árið 2060.
Það hvernig einstök ríki hagi sínu stjórnarfari ætti að vera ákveðið af íbúum þeirra. Mismunandi lönd búa yfir mismunandi sögu, menningu og samfélagskerfi. Því ættu mismunandi samfélagskerfi ekki að vera ástæða til að gera önnur ríki að andstæðingum, né vera hindrun í samstarfi sem báðir aðilar njóta góðs af. Kína mun halda sig við það kerfi og þá þróunarbraut sem það hefur ákveðið, og á sama tíma virða til fullnustu sjálfstæðar ákvarðanir annarra ríkja. Kína mun aldrei útvíkka kerfi sitt til annarra ríkja, eða taka þátt í kerfislægri samkeppni af neinu tagi. Eftir 100 ár af óþrjótandi baráttu, hefur kommúnistaflokki Kína tekist að breyta örlögum og framtíð Kína og kínverskrar alþýðu ásamt því að hafa áhrif á stefnu og gerð framþróunar á heimsvísu. Þar sem við horfum nú fram á við, mun kommúnistaflokkur Kína leitast við að bæta nýjum og spennandi kafla við vegferð kínversku þjóðarinnar til mikillar endurnýjunar og stuðla að framförum mannkynsins.
