Skoðun

Hið stjórnlausa kerfi

Hvernig stendur á því að aftur og aftur virðist engu máli skipta hversu augljósir gallarnir eru, áfram er unnið að skipulagsmistökum eða því að viðhalda meingölluðu fyrirkomulagi? Ekki bara í hinum eiginlegu skipulagsmálum heldur á ótal sviðum stjórnmálanna.

Hvernig stendur á því að áfram er unnið að byggingu nýs Landspítala við Hringbraut þrátt fyrir að engin af forsendum ákvörðunarinnar eigi lengur við og bent hafi verið á ótal kosti þess að byggja á nýjum stað?

Hvernig stendur á því að áfram er unnið að því að rústa því litla svæði sem talist gat „gamli bærinn“ í höfuðborg Íslands og byggja þar risavaxna kassa sem ættu betur heima alls staðar annars staðar?

Hvernig stendur á því að stjórnvöld nýta ekki einstakt tækifæri til að endurskipuleggja fjármálakerfi landsins svo það geti virkað í þágu almennings og fyrirtækja á Íslandi?

Meginþorri almennings gerir sér grein fyrir að það væri hægt að gera miklu betur á öllum þessum sviðum og ótalmörgum öðrum. Hvers vegna ræður ekki vilji almennings? Hvers vegna virkar lýðræðið ekki? Ástæðan er sú að það skortir pólitíska forystu. Of margir stjórnmálamenn veigra sér við að stjórna. Í stað þess að framkvæma lausnir í samræmi við vilja kjósenda er „kerfinu“ eftirlátið að stjórna sér sjálft og gera hlutina áfram eins. Kerfið er sjaldnast hrifið af breytingum. Það er í eðli þess að halda áfram á sömu braut.

Það væri hægt að breyta ótrúlega mörgum hlutum til hins betra ef hinn skynsami meirihluti fengi að ráða (þ.e. lýðræðið). Til þess þurfa stjórnmálamenn bara að þora að taka ákvarðanir og stjórna.

Athugasemdir

Auglýsing
Auglýsing

Tengdar fréttir

Skoðun

Á­falla­miðuð þjónusta - þjónusta fyrir þol­endur á­falla og of­beldis
Guðný Jóna Guðmarsdóttir

Skoðun

Lóan
Sigríður Jónsdóttir

Skoðun

Fórnarlamb vikunnar
Óttar Guðmundsson

Auglýsing

Nýjast

Dísætt skaðræði
Kristín Þorsteinsdóttir

Listin að missa bolta
Sif Sigmarsdóttir

„Mér finnst skemmti­legast að gera heima­nám“
Fríða Rós Valdimarsdóttir

Meira af miðaldra drengjum
Þórlindur Kjartansson

Mann­réttinda- og lýð­ræðis­sam­fé­lag fyrir alla
Dóra Björt Guðjónsdóttir

Pissa í skóinn
Hörður Ægisson

Auglýsing