Bakþankar

Góðir grannar

​Á hverju einasta ári gengur okkur illa í Eurovision og á hverju einasta ári skiljum við ekkert í hvers vegna.

Á hverju einasta ári gengur okkur illa í Eurovision og á hverju einasta ári skiljum við ekkert í hvers vegna. Ég viðurkenni að ég læt þetta hafa töluverð áhrif á mig. Ég er oftar en ekki sannfærður um að íslenska lagið sigri og ég botna ekkert í evrópsku samferðafólki mínu þegar úrslitin liggja fyrir. Þetta fólk veit greinilega ekkert um tónlist og leyfir okkur ekki einu sinni að komast upp úr riðlinum. Algjör skandall og stælar.

Ein útbreiddasta kenningin varðandi úrslitin ár hvert er sú að áhorfendur munu alltaf gefa fulltrúum nágrannaþjóða sinna flest stig. Þannig eiga þjóðirnar með flestu landamærin mestu möguleikana á sigri. Nokkuð einfalt. Við Íslendingar bölsótumst yfir öllum þessum Austur-Evrópuþjóðum og grenjum á sama tíma yfir því að búa á eyju.

Þessi útskýring stenst hins vegar varla skoðun ef horft er til liðinnar helgar, þar sem hin ísraelska Netta söngkona kom, sá og sigraði. Í fyrsta lagi er óhætt að fullyrða að Ísrael njóti ekki sérstaklega mikillar pólitískrar samúðar hjá Evrópubúum og í öðru lagi þá á Ísrael ekki landamæri að einu einasta Evrópuríki. Landið er ekki einu sinni í Evrópu, ef út í það er farið, en hefur samt sem áður sigrað í Eurovision í fjórgang.

Þótt mér sé fyrirmunað að skilja hvernig ísraelska lagið fór að því að sigra þá getum við Íslendingar að minnsta kosti fagnað því að nágrannakenningin er hrunin til grunna. Ætli líklegasta skýringin sé ekki bara sú að fólk kýs það atriði sem því finnst skemmtilegast? Vandamál okkar Íslendinga og áskorun felst þá bara í því að finna slíkt atriði. Svo höldum við að sjálfsögðu áfram að gefa Norðmönnum, Svíum eða Dönum tólf stig.

Tengdar fréttir

Bakþankar

Hvern á að spyrja?
Sirrý Hallgrímsdóttir

Bakþankar

Halli
Þórarinn Þórarinsson

Bakþankar

Þéttari borg
Kristinn Ingi Jónsson

Auglýsing

Nýjast

Það eru of margar hraðahindranir í Reykjavík
Alexandra Briem og Vala Árnadóttir

Þrjú stærstu málin í borginni - Fram­sóknar­flokkurinn
Snædís Karlsdóttir

Kosningabrella Jóns Hjaltalín „daginn fyrir“ kjördag
Þorkell Sigurlaugsson

Um jafnrétti og samstöðu
Bjarki Freyr Bjarnason

Hver og einn nemandi er einstakur
Sólveig Daníelsdóttir

Fram­tíð Helgu­víkur-Kölku og sorp­brennslu á Ís­landi
Albert Svan Sigurðsson

Auglýsing