Sætaferðir frá HGSÍ planinu (Heilsugæslustöð Íslands) sem var áður BSÍ (Bifreiðastöð Íslands) í hjarta Reykjavíkur.
Þúsundir Íslendinga bíða eftir sínum lýðheilsuvagni á planinu, þrír vagnar frá þremur mismunandi félögum eru mættir tilbúnir í hringferð um Ísland. Nokkrir sjúkrabílar eru á stöðugum þeytingi frá planinu upp á Landspítala. Allir vagnarnir eru stórir og glæsilegir í mismunandi litum.
Aftasti vagninn er grár, á honum stendur Heilsugæsla eingöngu fyrir bólusetningar.
(Á Íslandi er engin heilsu-GÆSLA heldur íverustaðir fyrir lækna þar sem enginn er boðaður í skipulegt eftirlit).
Vagninn í miðjunni er hvítur með stóru rauðu hjarta.
Framan á vagninum stendur: Ekki á leið. Enginn árgangur hefur verið boðaður í skipulagða hjarta-VERND á Íslandi.
Fremsti vagninn er fölbleikur á honum stendur krabbamein. Undir stýri situr fullorðinn maður sem stýrir vagninum. Ég stend fyrir framan fremsta vagninn og tek eftir að bílstjórinn lítur í baksýnisspegilinn. Allt í einu uppgötvar hann að í nærri 70 manna rútu eru bara 3 sæti, eitt barnasæti og tvö fullorðinssæti.
Það er löng biðröð við fölbleika vagninn. Bílstjórinn tilkynnir hópnum við rútuna að eingöngu er eitt barnasæti fyrir HPV og tvö fullorðinssæti, eitt fyrir brjóstakrabbamein og eitt fyrir leghálskrabbamein, það er allt og sumt. Maður í biðröðinni kallar: „hvað með okkur hin?“ um leið og bílstjórinn í sætinu lokar dyrunum.
Hrundans forvarnarheilbrigðiskerfisins er fyrir löngu hafinn. Aðdragandinn er mjög langur eða yfir 50 ár, það er íslenska ríkið sem fær hér falleinkunn og sum áhugamannafélög.
Afleiðingar af dugleysi ráðamanna eru nú þegar gífurlegar; að lítið vitrænt hefur áorkast.
Eins og allir vita hvað það þýðir, þegar sagt er að gera sjóklárt á sjómannamáli.
Það er ekki til í okkar forvarnarheilbrigðiskerfi.
Blái naglinn hefur unnið að hugmyndinni, að koma upp virku forvarnarhúsi, sem væri málað í þremur táknrænum litum. Rauður fyrir blóðrannsóknir, gulur fyrir þvagrannsóknir, grænn fyrir skimun.
Verkefnið kallast B.U.S. og stendur fyrir blood, urine, screening og er hugsað sem Medtube eða lýðheilsugöng.
Í þessu forvarnarkerfi sem byggt er á forvarnarstöðvum, mörgum meinum, snemmgreiningu og vinnsluhraða.
Í upphafi er kostnaðurinn lítill miðað hvað ávinningurinn yrði mikill.
Aðeins um heilbrigðiskerfið okkar. Barnaeftirlit frá fæðingu til fjögurra ára aldurs .
Svo kemur HPV (Human Papilloma Virus) fyrir stúlkur um tólf ára aldurinn, leghálskrabbameinsleit um 23 ára aldurinn og brjóstaskimun við 45 (50) ára aldurinn.
Eins og í öllum vestrænum ríkjum eru þessi heilbrigðiskerfi að sliga þessi samfélög.
Öll kerfin byggja á sjúkrahúsum en ekki forvarnarhúsum og afleiðingarnar eru að koma í ljós.
Tökum frumkvæðið og tökum stóra stökkið; hugsum dæmið upp á nýtt.
Hér kemur hugmynd um tímasetningu í B.U.S. Medtube lýðheilsuforvarnarkerfi:
A. Ungbarnaeftirlit 0-4 ára
B. Barnaeftirlit 4-12 ára
C. Ungmennaeftirlit 13-20 ára
D. Fullorðinseftirlit 20-67 ára
E. Eldriborgaraeftirlit 67 plús
Frá fæðingu til dauða.
Nýir tímar, ný hugsun, ný tækifæri.
