Nýjustu fréttir herma að Boris Johnson forsætisráðherra Bretlands sé kominn í sóttkví. Hann veiktist reyndar í vor og ætti því ekki að þurfa að fara í sóttkví eða hvað? Jú veiran sem veldur Covid sjúkdómnum virðist smita út yfir gröf og dauða. Um daginn kom ungur maður sem hafði veikst af Covid með þá hugmynd að halda fjölmennt og öruggt mótefnapartý, sem sagt partý fyrir þá sem höfðu smitast af veirunni. En nei, þríeykið var ekki hrifið af þeirri hugmynd og benti á að það væri alls ekki öruggt, fólk gæti áfram borið smit á milli fólks og staða þrátt fyrir að vera komið með mótefni. Í alvöru? Ef allir í mótefnapartýinu eru með mótefni, hvaða smit er þá hægt að bera á milli, hvaðan á smitið að koma? Og Þórólfi fannst hugmyndin slæm, fólki gæti dottið í hug að smitast af ásettu ráði til að geta komist í partý. Sem sagt, þetta gæti orðið partý sem myndi enda „mjög illa". Þetta er áhugavert í ljósi þess að ungt fólk er ekki í mikill áhættu vegna Covid og sleppur oftast með væg einkenni. Þá er líklega betra að unga fólkið bíði eftir nýja erfðabreytta bóluefninu (mRNA bútur), nokkuð sem aldrei hefur verið prófað á mönnum fyrr? Munum eftir svínaflensubóluefninu árið 2009 sem átti að vera alveg skothelt. Í Noregi kostaði sú bólusetning 550 manns alvar­leg­ar auka­verk­an­ir. Íslenska ríkið greiddi einnig þremur stúlkum 30 milljónir króna í bætur þar sem talið var að þær hefðu fengið drómasýki í kjölfar bólusetningar við svínaflensunni. Hefði kannski verið betra að fá sjálfa flensuna sem var ekki eins stórhættuleg og boðað hafði verið? Enda var hér allt opið þegar faraldurinn reið yfir, ekki einn einasti skóli lokaður og ekki farið með skólakrakka eins og dýr; hólfaðir niður í skólastofur og settar á þá grímur!

Nýlega kom frétt í Stundinni sem sagði frá því að gamall maður hefði ekki fengið að kveðja látna eiginkonu sína og ekki hefði mátt opna kistuna því að þeir sem létust af Covid smituðu enn eftir andlát. Og enginn spyr hvort þetta geti staðist! Hvaða læknir heldur þessu fram? Eru þetta ný vísindi eins og með grímurnar? Hefur aðstandendum þeirra sem látist hafa úr inflúensu í gegnum tíðina eða öðrum smitsjúkdómum verið meinað að kveðja sína nánustu vegna smithættu? Er það bara Covid veiran sem heldur áfram að smita eftir að maður er hættur að anda og kominn ofan í kistu?

Og nú er íslenska rikið búið að tryggja landsmönnum bóluefni og þá getur lífið brátt orðið eðlilegt á ný sbr. Bill Gates sem var með aðsenda grein í Fréttablaðinu 30. september sl. þar sem hann segir: „Af því að við getum bólusett gegn sjúkdómnum munu stjórnvöld vera fær um að aflétta fjarlægðarráðstöfunum. Fólk mun ekki lengur þurfa að ganga með grímur. Efnahagur heimsins mun taka við sér af fullum krafti."

Eða kannski ekki, því bandaríski sóttvarnarlæknirinn Anthony Fauci er ekki sammála. Hann vill að þeir bólusettu gangi áfram með grímur og virði fjarlægðarmörk þar sem smithætta er enn til staðar, því ekki væri vitað hversu öruggt bóluefnið verður.

Að lokum. Ég er ekki örverufræðingur, ónæmissérfræðingur, lífeðlisfræðingur, faraldsfræðingur eða lögregluþjónn (örugglega einhverjir sem eiga eftir að spyrja) en mætti ég kannski spyrja þríeykið og Kára Stefánsson. Er nokkuð verið að „föndra“ í okkur?

P.S. Samkvæmt þessu línuriti kom aldrei önnur bylgja í fjölmennasta ríki heims, Kína, þar sem faraldurinn átti upptök sín?

Google