Bakþankar

Bakkusbræður

Myndir þú skilja barnið þitt eftir hjá dagmömmu sem angar af áfengi? Stíga upp í flugvél í umsjá flugmanns sem er orðinn léttur? ...eða leggjast undir hnífinn hjá ölvuðum skurðlækni?

Hvað með að treysta blekuðum þingmanni til að stjórna landinu? Bakkus hefur lengi loðað við Alþingi en í gegnum tíðina hefur merkilega lítið verið agnúast út í það.

Bakkus er jú vinsæll því hann fyllir okkur af sæluvímu enda var hann lengi vel best þekktur sem vínguð Rómverja. Bakkus karlinn er nefnilega klókur. Þegar hann sendir okkur inn í sæluheim vellíðunar er hann rétt að undirbúa vinnu sína. Það eru ekki margir jafnskæðir og hann, að eiga þátt í að valda yfir 200 kvillum sem hrjá okkur mennina. Og hann hlífir ekki heilanum.

Rannsóknir sýna að heili alkóhólista skreppur saman sem hefur meðal annars í för með sér að þeir eiga erfitt með að tileinka sér nýja þekkingu og þjást af minnistruflunum. Framheilinn er aðalskotmarkið – blóðflæði þar mælist allt að 65% minna – en það er sá hluti heilans sem bremsar okkur af í að gera einhverja vitleysu sem við myndum sjá eftir, leysir flókin vandamál, skipuleggur framtíðina og tekur vitrænar ákvarðanir. Sem betur fer geta þessar breytingar gengið til baka hjá stórum hluta þeirra sem segja skilið við Bakkus.

Það er fyrir neðan virðingu Alþingis, og í raun hvaða vinnustaðar sem er, að starfsmenn þess lítilsvirði samstarfsmenn sína með niðrandi baktali og kynferðislegum athugasemdum. Það er ekki hægt að skella skuldinni á boðsgestinn Bakkus. Áfengisneysla á alls ekki að líðast á vinnutíma. Hvorki hjá mér eða þér – né þingmönnum.

Athugasemdir

Auglýsing
Auglýsing

Tengdar fréttir

Bakþankar

Fólk á flótta
Davíð Þorláksson

Bakþankar

Blæbrigði
Sirrý Hallgrímsdóttir

Bakþankar

Jólaeftirlitið
María Rún Bjarnadóttir

Auglýsing

Nýjast

Svona getur ríkið lækkað vexti
Sigurður Hannesson

Breytingar á jólahefðum landsmanna
Sigrún Drífa Jónsdóttir

Trump, Sádar, spilling og FIFA
Björn Berg Gunnarsson

Skráning og gagnsæi við sölu bankanna eykur traust
Páll Harðarson

Tvö­falt heil­brigðis­kerfi – það lakara fyrir konur
Reynir Arngrímsson

Loksins ný land­græðslu­lög
Guðmundur Ingi Guðbrandsson

Auglýsing