Skoðun

Þátt­tak­a í menn­ing­ar­líf­i, tóm­stund­a-, frí­stund­a- og í­þrótt­a­starf­i

Í fyrsta lið 30. grein samningsins er viður­kenndur réttur fatlaðs fólks til að taka þátt í menningar­lífi til jafns við aðra og að gera skuli við­eig­andi ráð­stafanir til þess að svo verði. Þar er til dæmis fjallað um að fatlað fólk eigi að njóta að­gengis og komast í til dæmis leik­hús, söfn, kvik­mynda­hús, bóka­söfn og á ferða­manna­staði. Þrátt fyrir að svo sé þá er til dæmis hjóla­stóla­að­gengi oft mjög slæmt á mörgum stöðum. 

Ég fór til dæmis einu sinni með vin­konu minni sem notar hjóla­stól í Þjóð­leik­húsið og þar voru all­staðar tröppur og hindranir svo við komumst lítið á­fram. Þá eru líka margar hindranir í mið­bæ Reykja­víkur og oft erfitt að komast um. Svo er líka oft skortur á upp­lýsingum til fatlaðs fólks og það veit kannski ekki um þá menningar­at­burði sem eru í boði, til dæmis hvað er í leik­húsinu, hvaða tón­leikar eru í boði eða í kvik­mynda­húsum. Þetta þarf að laga. 

Það er margt í boði hvað varðar tóm­stundir og í­þróttir fyrir fatlað fólk, til dæmis sund, boccia, borð­tennis, list­skautar, fót­bolti, keila og margt fleira. Fatlaðir Ís­lendingar hafa staðið sig vel á al­þjóða vett­vangi og unnið til margra verð­launa. Ég hef sjálf keppt í sundi og var Norður­landa­meistari árið 1985 í sundi. Það var gefandi og gaman taka þátt í því. Ég hef líka verið að­stoðar­sund­þjálfari hjá Öspinni sem er fyrir fötluð börn og ung­linga og svo er ég líka í stjórn special olympics. 

Þetta sýnir að það er ýmis­legt í boði en það er oftast í sér­úr­ræðum fyrir fatlað fólk og stundum fá fötluð börn ekki að vera með jafn­öldrum sínum í tóm­stundum og í­þróttum. 

Í 5. lið 30. greinar samnings Sam­einuðu þjóðanna kemur fram að það eigi að gera ráð­stafanir í því skyni að gera fötluðu fólki kleift að taka til jafns við aðra þátt í tóm­stunda,- frí­stunda-, og í­þrótta­starfi. Þá kemur fram að hvetja þurfi og efla þátt­töku fatlaðs fólks, eins og frekast er unnt, í al­mennu í­þrótta­starfi á öllum stigum. Jafn­framt að tryggja fötluðum börnum að­gang, til jafns við önnur börn, til að taka þátt í leikjum og frí­stunda­starfi meðal annars innan skóla­kerfisins. Það er því ekki alltaf verið að fara eftir þessum á­kvæðum samningsins þó að margt sé vel gert.

Undir­rituð er sendi­herra samnings Sam­einuðu þjóðanna um réttindi fatlaðs fólks, var Norður­landa­meistari í sundi árið 1985 og vinnur sem að­stoðar­sund­þjálfari fyrir fötluð börn og ung­linga hjá Öspinni auk þess sem hún er í stjórn Special Olympics.

Athugasemdir

Auglýsing
Auglýsing

Tengdar fréttir

Fastir pennar

Nekt í banka
Kolbrún Bergþórsdóttir

Fastir pennar

Að vera einn, án annarra
Guðmundur Steingrímsson

Guðmundur Brynjólfsson

Klám
Guðmundur Brynjólfsson

Auglýsing

Nýjast

Drögum úr ójöfnuði
Sonja Ýr Þorbergsdóttir

„Ég er nóg“
Óttar Guðmundsson

Þriggja metra skítaskán
Sif Sigmarsdóttir

Lýst er eftir leiðtoga
Kristín Þorsteinsdóttir

Er um­ræðan um klukku­stillingu á villi­götum?
Gunnlaugur Björnsson

Nóg hvað?
Þórarinn Þórarinsson

Auglýsing