Bakþankar

Sorrí... en

Þegar maður rankar við sér eftir góðra vina fund við hliðina á tómum bensínbrúsa, með kveikjarann í spenntri greip, og horfir yfir sviðna jörð þá er alveg glatað að reyna að koma sökinni yfir á einhvern annan en sjálfan sig.

Ég veit þetta aðeins of vel vegna þess að ég er alkóhólisti. Því meini fylgja iðulega meðvirkni og vanmáttarkennd þannig að ég ætla að reyna að ráða þingdólgunum sex heilt þótt ég hafi enga samúð með þeim.

Það er ekki bara ódýrt, heldur einfaldlega ótækt, að reyna að kenna áfenginu og öllum öðrum um eigin drykkjubömmera nema maður geti að minnsta kosti drullast til þess að viðurkenna að maður eigi við alvarlegt vandamál að stríða.

Einn vaskasti þingruddinn hefur meira að segja dregið það í efa að hann drekki nógu mikið! Það má vel vera en eftir að ég gekkst við því að ég er alki hef ég lært ýmislegt um fyrirgefninguna og í fyrstu meðferðinni var því troðið inn í brotahöfuð mitt að maður getur ekki beðist fyrirgefningar nema það sé gert bæði með orðum og í verki.

Margir hafa náð árangri og einhverjum þroska með 12 sporum sem fela meðal annars í sér að gera „rækilega og óttalaust siðferðileg reikningsskil“ í lífi sínu, játa misgjörðir sínar meðal annars fyrir „sjálfum okkur og annarri manneskju og nákvæmlega hvað í þeim fólst“. Síðan tekur við stöðug sjálfsrannsókn og þegar út af ber „viðurkenndum við yfirsjónir okkar umsvifalaust“.

Háttvirtu þingdólgar, með leyfi forseta, það er ekki hægt að segja „fyrirgefðu, en …“ Þið eruð ekki einu sinni komnir á byrjunarreit og fyrsta sporið í ykkar kerfi er að sýna iðrun í verki með því að stíga út af Alþingi.

Þá fyrst er hægt að fara að vinna með fyrirgefninguna.

Tengdar fréttir

Bakþankar

Fjór­menninga­klíkan
Sirrý Hallgrímsdóttir

Bakþankar

Fátækt fólk
María Rún Bjarnadóttir

Bakþankar

Þorsteinn drómundur
Óttar Guðmundsson

Auglýsing

Nýjast

Pissað í plast­flösku
Sif Sigmarsdóttir

Net, búð og bíll
Kristín Þorsteinsdóttir

Hvalurinn í herberginu
Heiða Helgadóttir

Spennið beltin
Hörður Ægisson

Stöndum vörð um hreyfanleikann
Þórlindur Kjartansson

At­lögur gegn sjálf­bærni Vest­fjarða
Birna Lárusdóttir

Auglýsing