Þetta kemur fram í yfirliti Hagstofunnar yfir virðisaukaskattskýrslur fyrir maí-júní sem birtist í morgun.

Samkvæmt virðisaukaskattskýrslum var velta í greininni 19 prósentum hærri í maí-júní 2022 en á sama tímabili 2019 en hafa ber í huga að þessar tölur eru á verðlagi hvers árs og hefur vísitala neysluverðs hækkað um 16 prósent á milli þessara tímabila. Mikill munur er á einstökum greinum ferðaþjónustu. Velta í veitingasölu og -þjónustu jókst um 33 prósent á meðan velta í farþegaflutningum með flugi jókst um 7 prósent.

Velta í olíuverslun tvöfaldaðist á milli ára enda hefur eldsneytisverð hækkað tölvert og trúlegt að sala hafi aukist vegna fleiri ferðamanna og aukningar á millilandaflugi. Eldsneytisliður vísitölu neysluverðs hækkaði um 37 prósent á milli maí-júní 2021 og sömu mánaða 2022.

Þá jókst velta einnig mikið í framleiðslu málma og í sölu og viðhaldi vélknúinna ökutækja.