Markaðurinn

Vænta þess að útboðsgengi Arion verði 75 krónur á hlut

Væntingar eru um að útboðsverð Arion banka verði á genginu 0,67 af bókfærðu eigin fé bankans. Miðað við það er bankinn verðlagður á​ tæpa 136 milljarða króna.

Hlutafjárútboði Arion banka lýkur á morgun. Fréttablaðið/Eyþór

Ráðgjafar Arion banka í hlutafjárútboði bankans hafa tilkynnt bankanum að væntingar séu um að útboðsgengið verði 75 krónur á hlut eða sem samsvarar genginu 0,67 af bókfærðu virði eigin fjár bankans. Áskriftir hafa borist á þessu gengi margfalt umfram þá hluti sem eru í boði í grunnstærð útboðsins.

Þetta kemur fram í stuttri tilkynningu sem Arion banki birti í Kauphöllinni í kvöld. Grunnstærð hlutafjárútboðsins er á bilinu 22,6 til 36,2 prósent af útistandandi hlutafé Arion banka. Seljendurnir, Kaupþþing og vogunarsjóðurinn Attestor Capital, sem er sagður íhuga að selja þriggja prósenta hlut, hafa jafnframt heimild til þess að stækka útboðið þannig að allt að 41 prósents hlutur verði seldur.

Úti­stand­andi hlut­ir í bank­an­um, að frá­dregn­um eig­in hlut­um, eru sam­tals 1.810 millj­ón­ir og er bankinn því verðlagður á tæpa 136 milljarða króna, ef miðað er við að endanlegt útboðsgengi verði 75 krónur á hlut.

Í útboðinu hefur fjárfestum boðist að kaupa bréf í bankanum á genginu 0,6 til 0,7 sinnum bókfært eigið fé bankans.

Almennu útboði hér á landi og í Svíþjóð lauk í dag en gert er ráð fyrir að útboðinu fyrir fagfjárfesta ljúki klukkan 12 að íslenskum tíma á morgun.

Tekið er fram í tilkynningu bankans að seljendur hafi hvorki samþykkt framkomin tilboð né tekið ákvörðun um endanlegt útboðsgengi auk þess sem áskriftum kunni að vera breytt.

Gert er ráð fyrir að fyrsti viðskiptadagur með hlutabréf í Arion banka verði í kauphöllinni hér á landi og í Stokkhólmi á föstudag.

Athugasemdir

Auglýsing
Auglýsing

Tengdar fréttir

Innlent

Flatey opnar á Hlemmi

Innlent

Björgólfur að baki málsókn á hendur Glitni Holdco

Innlent

Hyggjast bylta aðgengi að námsefni

Auglýsing

Nýjast

Flytja seinna að heiman en í nágrannalöndum

Nær öll félög í Kauphöllinni lækka

Lækkanir á asískum hluta­bréfa­mörkuðum

Risa­keðjan Sears óskar eftir greiðslu­stöðvun

Nýtt félag kaupir allar ferða­skrif­stofur Primera

Vilja fá fleiri konur til liðs við Völku

Auglýsing