Innlent

Út­gáfu­fé­lag Við­skipta­blaðsins hagnast um fimm milljónir

Útgáfufélag Viðskiptablaðsins skilaði hagnaði upp á tæpar fimm milljónir króna á síðasta ári.

Forsíða Viðskiptablaðsins sem kom út síðasta fimmtudag.

Hagnaður Mylluseturs, útgáfufélags Viðskiptablaðsins og tengdra fjölmiðla, nam 4,7 milljónum króna í fyrra og dróst saman um 7,9 milljónir króna á milli ára, samkvæmt ársreikningi félagsins. Allt frá árinu 2010 hefur útgáfustarfsemi Mylluseturs skilað hagnaði á hverju einasta rekstrarári.

Rekstrartekjur félagsins námu samtals 289 milljónum króna í fyrra og jukust um sjö milljónir króna frá árinu 2016. Launakostnaður var 183 milljónir króna á síðasta ári og jókst um rúmlega tíu prósent frá fyrra ári. Meðalfjöldi starfsmanna var 18 talsins og hélst óbreyttur á milli ára.

Heildareignir Mylluseturs námu tæpum 177 milljónum króna í lok síðasta árs og var bókfært eigið fé um 67 milljónir króna á sama tíma. Eiginfjárhlutfall félagsins er því um 38 prósent.

Eignir Mylluseturs eru að stærstum hluta útistandandi viðskiptakröfur að fjárhæð um 137 milljónir króna. Heildarskuldir félagsins voru 110 milljónir króna í árslok 2017 og jukust um 16 milljónir króna á milli ára. 

Eigendur Mylluseturs eru Pétur Árni Jónsson, framkvæmdastjóri fasteignafélagsins Heildar, með 67 prósenta hlut og Sveinn Biering Jónsson fjárfestir með 33 prósenta hlut. 

Útgáfufélagið keypti sem kunnugt er viðskiptatímaritið Frjálsa verslun í fyrra en seljandi var útgáfufélagið Heimir. Frjáls verslun er elsta viðskiptatímarit landsins og hefur komið út frá árinu 1939.

Athugasemdir

Auglýsing
Auglýsing

Tengdar fréttir

Innlent

EFLA kaupir skoska lýsingar­hönnunar­stofu

Innlent

Sturla segist kaupa aftur myndarlega í Heimavöllum

Innlent

Vonandi hefur samningurinn veru­leg á­hrif á tekjur Klappa

Auglýsing

Nýjast

Einn vildi 0,5 prósentastiga hækkun á stýrivöxtum

Markaðurinn er „hiklaust“ nógu stór

Atvinnuleysi var 2,9 prósent í október

Þyrfti allt að 31 milljarðs rekstrarbata

Stjórn­skipunar- og eftir­lits­nefnd skoði mál Seðla­bankans

Ikea segir upp 7.500 manns

Auglýsing