Hlutafjárút­boði ný­sköpunar­fyrir­tækisins Solid Cloud er nú lokið og lauk með fjórum sinnum meiri á­huga en búist var við. Í til­kynningu frá fyrir­tækinu segir að boðið hafi verið í fyrir 2,8 milljarða ís­lenskra króna af 2.700 fjár­festum, en það er marg­falt það sem hafði verið búist við. Horft hafði verið til þess að afla um 500 milljóna til 725 milljóna króna með útboðinu.

„Þetta er fjórum sinnum meira en við vildum. Það er mjög gott og ég held að þetta séu á­kveðin vatna­skil varðandi fjár­mögnun ný­sköpunar­fyrir­tækja á Ís­landi,“ segir Stefán Þór Gunnars­son, fjár­mála­stjóri fyrir­tækisins, í sam­tali við Frétta­blaðið í kvöld.

Í til­kynningu kemur fram að alls hafi verið í boði 40 milljón hlutir með leyfi til að auka það í 58 milljón hluti. Fast verð fyrir hvern hlut var 12,5 krónur og var út­boðinu skipt í tvo hluta, A og B. Fyrir A var boðið í fyrir 1,8 milljarð og fyrir B fyrir 900 milljónir.

Fram­kvæmda­stjóri Solid Clouds, Stefán Gunnars­son, segir í til­kynningunni að þeir séu þakk­látir þessum gífur­lega á­huga á Solid Clouds hjá fjár­festum.

„Þetta er augna­blik sem verður vert að muna eftir og þetta er spennandi þáttur í sögu fyrir­tækisins. Fyrir­tækið er nú vel statt fyrir næsta skref sitt í vexti og þetta fram­lag gerir okkur kleift að grípa tæki­færi í fram­tíðinni,“ segir hann og þakkar sér­stak­lega starfs­fólki sínu fyrir vinnu sína undan­farnar vikur.

Tilkynna dreifingu á morgun

Í til­kynningunni segir að stjórn Solid Clouds muni fara yfir skráningu hlutanna og á­kveða hvernig þeim verður dreift. Til­kynnt verður um dreifinguna á morgun. Fram kemur í til­kynningunni að fjár­festum verði sent til­kynning og að greiða verði í seinasta lagi 6. Júlí og svo bréfin af­hent þann 12. Júlí.

Spurður um á­huga al­mennings á út­boðinu segir Stefán að það hafi verið bæði á­hugi meðal al­mennings og fjár­festa.

„Það hefur lengi vantar fjöl­breyttari val­kosti til fjár­festinga á Ís­landi og þetta er að okkar mati van­nýtt leið til fjár­mögnunar fyrir ný­sköpunar­fyrir­tæki. Þetta er það sem að við sjáum gerast í Sví­þjóð sem er framar­lega i ný­sköpunar­hag­kerfinu,“ segir Stefán.

Hann segist eiga von á því að önnur ný­sköpunar­fyrir­tæki nýti sér þessa leið.

Til­kynningin er að­gengi­leg hér.