Úrvalsvísitala Kauphallarinnar hækkaði um 1,1 prósent í viðskiptum dagsins á hlutabréfamarkaði og munaði þar mestu um 2,0 prósenta hækkun á hlutabréfum í Marel í hátt í 1,4 milljarða króna veltu.

Þá hækkuðu hlutabréf í Arion banka og Festi um 2,2 prósent í verði.

Tíu félög á aðallista Kauphallarinnar lækkuðu í verði í dag en mesta lækkunin var á hlutabréfum í Icelandair Group eða tæplega 3,9 prósent í 155 milljóna króna viðskiptum. Stóð gengi bréfanna í 7,21 krónu á hlut þegar markaðir lokuðu síðdegis í dag.

Þá féll hlutabréfaverð í TM um 3,6 prósent í viðskiptum dagsins en velta með bréfin námu 53 milljónum króna.

Mikil velta var á hlutabréfamarkaðinum eða alls um 3.416 milljónir króna. 

Fylgjast má með öllum nýjustu vendingum á hlutabréfamarkaði á vef Markaðarins, markadurinn.is.