Úrvalsvísitala Kauphallarinnar lækkaði um ríflega 0,2 prósent í viðskiptum dagsins en heildarvelta á hlutabréfamarkaði var tæpar 800 milljónir króna.

Hlutabréf í Arion banka lækkuðu mest allra skráðra félaga í verði en þau féllu um 0,98 prósent í 243 milljóna króna viðskiptum. Stóð gengi bréfanna í 80,9 krónum við lokun markaða síðdegis í dag. Þá lækkaði hlutabréfaverð í Heimavöllum og Origo um 0,90 prósent.

Aðeins þrjú félög hækkuðu í verði í viðskiptum dagsins. Hlutabréf í olíufélögunum N1 og Skeljungi hækkuðu lítillega í verði en bréf í Icelandair Group ruku upp um meira en 2,1 prósent í 68 milljóna króna viðskiptum.