Veitinga­fólk biðlar til stjórn­valda um að grípa til sér­tækra að­gerða til bjargar veitinga­húsum og krám, í ljósi þess rekstrar­vanda sem það stendur frammi fyrir vegna lokana og tak­markana á starf­semi í kjöl­far CO­VID-19. Þetta kemur fram í til­kynningu sem rúm­lega sjö­tíu veitinga­hús standa fyrir.

„Á­kveðinnar mót­sagnar hefur gætt í að­gerðum stjórn­valda, sem hafa beðið fólk að halda sig heima­við, en veitinga­stöðum ekki verið gert að hætta að taka á móti gestum.

Við erum að reyna allt sem við getum til þess að halda rekstri okkar fyrir­tækja gangandi og góðu ráðningar­sam­bandi við starfs­fólk, undir mjög ströngum fjölda­tak­mörkunum og tak­mörkunum á opnunar­tíma,“ segir í til­kynningunni.

Engin úr­ræði virðist vera í nánd

Í til­kynningunni leggur veitinga­fólkið á­herslu á að veitinga­geirinn er mjög stór at­vinnu­grein. Veitinga­flóran í landinu hafi blómstrað sem aldrei fyrr á undan­gegnum árum. Ís­lensk matar­gerðar­list sé orðin eftir­tektar­verð á heimsvíu, fengið stjörnur og viður­kenningar meðal annars frá Gui­de Michelin.

„Veitinga­staða­flóra og matar­menning okkar verður ó­neitan­lega fá­tæk­legri ef ekki verður brugðist við nú­verandi að­stæðum. Bæði mann­líf og menningar­verð­mæti eru í húfi, ekki síður hvað við ætlum að bjóða ferða­fólki fram­tíðarinnar upp á þegar það birtist á ný,“ segir í til­kynningunni.

„Undir þessu verður ekki staðið mikið lengur. Fyrir­tæki sem unnið hafa að því hörðum höndum að byggja sig upp og auðga mann­líf landsins eru nú, við ó­sjálf­bær rekstrar­skil­yrði, að berjast um at­hygli ör­fárra við­skipta­vina, sem þó eru hvattir til að vera frekar heima en að koma til okkar .

Því miður virðast engin úr­ræði eða að­stoð vera í nánd fyrir okkar at­vinnu­grein svo við getum ekki lengur orða bundist.
Því skal þó haldið til haga að hér er ekki verið að gagn­rýna sótt­varnar­að­gerðir heldur við­brögð og úr­ræða­leysi stjórn­valda til handa okkar geira.“

Meðal aðgerða sem veitingageirinn vill leggja til eru:

Tímabundnar aðgerðir m.a:

● Hlutfallslokunarstyrki sem koma til móts við skerta starfsemi vegna fjölda-, tíma- og fjarlægðatakmarkana og tilheyrandi tekjutapi vegna þeirra

● Endurskoða hlutabótaleið með tilliti til mismunandi þarfa í samstarfi við veitingafólk

● Afnám tryggingagjalda

● Afnám fasteignagjalda, sem skilar sér í lægri leigu

● Endurgreiðsla áfengisgjalda að fullu eða hluta til veitingahúsa og Kráa þegar opnar á ný

● Niðurfelling á dráttarvöxtum vegna skulda vegna opinberra gjalda

● Tekið sérstakt tillit til fyrirtækja með stutta viðskiptasögu

Undir yfirlýsinguna skrifa:

American Bar

Apótek Restaurant

Bragginn

Bastard Brew and Food

BrewDog Reykjavík

Brothers Brewery

Coocoo´s Nest

Danska Kráin (Den Danske Kro)

Dill Restaurant

Dillon

Duck and Rose

Durum

Enski barinn (The English Pub)

Fiskfélagið

Fiskmarkaðurinn

Fjallkonan

Forréttabarinn

Frederiksen Ale House

Flatey Pizza

Flatus @Kex

Gaukurinn

Gamli Enski

Græni Hatturinn

Grillmarkaðurinn

Gott

Kaffi Krús

Hosiló

Höfnin Veitingahús

Jómfrúin

Kaldi Bar

Kaffibarinn

Kaffihús Vesturbæjar

Kattakaffihúsið

Kringlukráin

Kol Skólavörðustíg

La Barceloneta

LeKocK

Lebowski Bar

Luna Flores

Makake

Matbar

Matur og Drykkur

Messinn

Meze

Nauthóll

Osushi

Otto Veitingahús

ÓX

Prikið

Primo Ristorante

Public House

Ramen Momo

ROK

Röntgen

Sæta Svínið

Session Craft Bar

Skál!

Skúli Craftbar

Slippurinn

Sumac

Sushi Social

Tapas Barinn

The Drunk Rabbit

The Irishman pub

The Laundromat Café

Yuzu

Veður

Vínstúkan tíu sopar

Von Mathús & Bar

Vor

Ölstofa Kormáks og Skjaldar

Ölhúsið Reykjavík & Hafnarfirði